Read La Sankta Biblio esparanto Psalmo 95 Bible Online

Psalmo 95 - La Sankta Biblio esparanto bible

Psalmo 95

¹Venu, ni kantu al la Eternulo; Ni ĝoje kriu al la rifuĝejo de nia helpo.

²Ni venu antaŭ Lian vizaĝon kun glorado, Per psalmoj ni ĝoje kriu al Li.

³Ĉar granda Dio estas la Eternulo Kaj granda Reĝo super ĉiuj dioj,

⁴Kiu havas en Sia mano la profundaĵojn de la tero, Kaj al kiu apartenas la altaĵoj de la montoj;

⁵Al kiu apartenas la maro, kaj Li ĝin faris, Kaj la sekteron Liaj manoj kreis.

⁶Venu, ni kliniĝu, ni ĵetu nin teren, Ni genuu antaŭ la Eternulo, nia Kreinto.

⁷Ĉar Li estas nia Dio, Kaj ni estas la popolo de Lia paŝtejo kaj la ŝafoj de Lia mano. Hodiaŭ, se vi aŭskultas Lian voĉon,

⁸Ne obstinigu vian koron, kiel en Meriba, Kiel en la tago de Masa en la dezerto,

⁹Kiam viaj patroj Min incitis, Esploris kaj vidis Mian faron.

¹⁰Kvardek jarojn Mi indignis kontraŭ tiu generacio, Kaj Mi diris: Ili estas popolo kun koro malĝusta, Kaj ili ne volas koni Miajn vojojn;

¹¹Tial Mi ĵuris en Mia kolero, Ke ili ne venos en Mian ripozejon.