Read La Sankta Biblio esparanto Nombroj 2 Bible Online

Nombroj 2 - La Sankta Biblio esparanto bible

Nombroj 2

¹Kaj la Eternulo ekparolis al Moseo kaj al Aaron, dirante:

²La Izraelidoj starigu siajn tendojn ĉiu apud sia standardo, apud la signoj de sia patrodomo; iom malproksime ĉirkaŭ la tabernaklo de kunveno ili starigu siajn tendojn.

³En la antaŭa parto, oriente, staros tendare la standardo de la tendaro de Jehuda, laŭ iliaj taĉmentoj; kaj la princo de la Jehudaidoj estas Naĥŝon, filo de Aminadab;

⁴kaj lia taĉmento kaj ĝiaj kalkulitoj estas sepdek kvar mil sescent.

⁵Apude staru la tribo de Isaĥar; kaj la princo de la Isaĥaridoj estas Netanel, filo de Cuar;

⁶kaj lia taĉmento kaj ĝiaj kalkulitoj estas kvindek kvar mil kvarcent.

⁷Poste la tribo de Zebulun; kaj la princo de la Zebulunidoj estas Eliab, filo de Ĥelon;

⁸kaj lia taĉmento kaj ĝiaj kalkulitoj estas kvindek sep mil kvarcent.

⁹Ĉiuj kalkulitoj de la tendaro de Jehuda estas cent okdek ses mil kvarcent laŭ iliaj taĉmentoj; ili elmoviĝu la unuaj.

¹⁰La standardo de la tendaro de Ruben estu sude, laŭ iliaj taĉmentoj; kaj la princo de la Rubenidoj estas Elicur, filo de Ŝedeur;

¹¹kaj lia taĉmento kaj ĝiaj kalkulitoj estas kvardek ses mil kvincent.

¹²Apude staru la tribo de Simeon; kaj la princo de la Simeonidoj estas Ŝelumiel, filo de Curiŝadaj;

¹³kaj lia taĉmento kaj ĝiaj kalkulitoj estas kvindek naŭ mil tricent.

¹⁴Poste la tribo de Gad; kaj la princo de la Gadidoj estas Eljasaf, filo de Deuel;

¹⁵kaj lia taĉmento kaj ĝiaj kalkulitoj estas kvardek kvin mil sescent kvindek.

¹⁶Ĉiuj kalkulitoj de la tendaro de Ruben estas cent kvindek unu mil kvarcent kvindek laŭ iliaj taĉmentoj; ili elmoviĝu la duaj.

¹⁷Poste elmoviĝu kun la tabernaklo de kunveno la tendaro de la Levidoj inter la tendaroj; kiel ili staros tendare, tiel ili elmoviĝu, ĉiu laŭ sia loko kun siaj standardoj.

¹⁸La standardo de la tendaro de Efraim, laŭ iliaj taĉmentoj, estu okcidente; kaj la princo de la Efraimidoj estas Eliŝama, filo de Amihud;

¹⁹kaj lia taĉmento kaj ĝiaj kalkulitoj estas kvardek mil kvincent.

²⁰Apude estu la tribo de Manase; kaj la princo de la Manaseidoj estas Gamliel, filo de Pedacur;

²¹kaj lia taĉmento kaj ĝiaj kalkulitoj estas tridek du mil ducent.

²²Poste la tribo de Benjamen; kaj la princo de la Benjamenidoj estas Abidan, filo de Gideoni;

²³kaj lia taĉmento kaj ĝiaj kalkulitoj estas tridek kvin mil kvarcent.

²⁴Ĉiuj kalkulitoj de la tendaro de Efraim estas cent ok mil cent laŭ iliaj taĉmentoj; ili elmoviĝu la triaj.

²⁵La standardo de la tendaro de Dan estu norde, laŭ iliaj taĉmentoj; kaj la princo de la Danidoj estas Aĥiezer, filo de Amiŝadaj;

²⁶kaj lia taĉmento kaj ĝiaj kalkulitoj estas sesdek du mil sepcent.

²⁷Apude staru tendare la tribo de Aŝer; kaj la princo de la Aŝeridoj estas Pagiel, filo de Oĥran;

²⁸kaj lia taĉmento kaj ĝiaj kalkulitoj estas kvardek unu mil kvincent.

²⁹Poste la tribo de Naftali; kaj la princo de la Naftaliidoj estas Aĥira, filo de Enan;

³⁰kaj lia taĉmento kaj ĝiaj kalkulitoj estas kvindek tri mil kvarcent.

³¹Ĉiuj kalkulitoj de la tendaro de Dan estas cent kvindek sep mil sescent; ili elmoviĝu la lastaj kun siaj standardoj.

³²Tio estas la kalkulitoj de la Izraelidoj laŭ iliaj patrodomoj. Ĉiuj kalkulitoj de la tendaroj, laŭ iliaj taĉmentoj, estis sescent tri mil kvincent kvindek.

³³Sed la Levidoj ne estis kalkulitaj inter la Izraelidoj; kiel la Eternulo ordonis al Moseo.

³⁴Kaj la Izraelidoj faris konforme al ĉio, kion la Eternulo ordonis al Moseo: tiel ili stariĝis tendare kun siaj standardoj, kaj tiel ili elmoviĝadis, ĉiu laŭ sia familio, laŭ sia patrodomo.