Read La Sankta Biblio esparanto Nombroj 34 Bible Online

Nombroj 34 - La Sankta Biblio esparanto bible

Nombroj 34

¹Kaj la Eternulo ekparolis al Moseo, dirante:

²Ordonu al la Izraelidoj, kaj diru al ili: Kiam vi venos en la landon Kanaanan, tiu lando fariĝu via posedaĵo, la lando Kanaana laŭ siaj limoj.

³La rando suda estu por vi de la dezerto Cin, apud Edom, kaj la suda limo estu por vi de la fino de la Sala Maro oriente;

⁴kaj la suda limo turniĝos ĉe vi al la altaĵo Akrabim kaj iros tra Cin, kaj ĝiaj elstaraĵoj iros suden ĝis Kadeŝ-Barnea kaj atingos ĝis Ĥacar-Adar kaj pasos tra Acmon;

⁵kaj de Acmon la limo turniĝos al la Egipta torento, kaj ĝiaj elstaraĵoj estos ĝis la maro.

⁶Kaj por okcidenta limo estu por vi la Granda Maro kiel limo; tio estos por vi la limo okcidenta.

⁷Kaj tia estu por vi la limo norda: de la Granda Maro vi tiros ĝin al vi ĝis la monto Hor;

⁸de la monto Hor tiru ĝin ĝis Ĥamat, kaj la elstaraĵoj de la limo iros al Cedad;

⁹kaj la limo iros ĝis Zifron, kaj ĝiaj elstaraĵoj iros ĝis Ĥacar- Enan; tio estu por vi la limo norda.

¹⁰Kaj la limon orientan vi tiros al vi de Ĥacar-Enan ĝis Ŝefam;

¹¹de Ŝefam la limo iros ĝis Ribla, orienten de Ain; poste la limo iros malsupren kaj tuŝos la bordon de la maro Kineret oriente;

¹²kaj pluen la limo iros ĝis Jordan, kaj ĝiaj elstaraĵoj estos ĝis la Sala Maro. Tia estos via lando laŭ ĝiaj limoj ĉirkaŭe.

¹³Kaj Moseo ordonis al la Izraelidoj, dirante: Tio estas la lando, kiun vi dividos inter vi per loto kaj kiun la Eternulo ordonis doni al naŭ triboj kaj al duontribo;

¹⁴ĉar la tribo de la Rubenidoj laŭ iliaj patrodomoj, kaj la tribo de la Gadidoj laŭ iliaj patrodomoj, kaj duono de la tribo de la Manaseidoj prenis sian parton;

¹⁵la du triboj kaj la duontribo prenis sian parton transe de la Jeriĥa Jordan, oriente, sur la flanko de sunleviĝo.

¹⁶Kaj la Eternulo ekparolis al Moseo, dirante:

¹⁷Jen estas la nomoj de la viroj, kiuj disdividos inter vi la landon: Eleazar, la pastro, kaj Josuo, filo de Nun.

¹⁸Kaj po unu estro el ĉiu tribo prenu por la dividado de la lando.

¹⁹Kaj jen estas la nomoj de la viroj: por la tribo de Jehuda, Kaleb, file de Jefune;

²⁰kaj por la tribo de la Simeonidoj, Ŝemuel, filo de Amihud;

²¹por la tribo de Benjamen, Elidad, filo de Kislon;

²²kaj por la tribo de la Danidoj, la estro Buki, filo de Jogli;

²³por la filoj de Jozef: por la tribo de la Manaseidoj, la estro Ĥaniel, filo de Efod,

²⁴kaj por la tribo de la Efraimidoj, la estro Kemuel, filo de Ŝiftan;

²⁵kaj por la tribo de la Zebulunidoj, la estro Elicafan, filo de Parnaĥ;

²⁶kaj por la tribo de la Isaĥaridoj, la estro Paltiel, filo de Azan;

²⁷kaj por la tribo de la Aŝeridoj, la estro Aĥihud, filo de Ŝelomi;

²⁸kaj por la tribo de la Naftaliidoj, la estro Pedahel, filo de Amihud.

²⁹Tio estas tiuj, al kiuj la Eternulo ordonis, ke ili disdonu la posedaĵojn al la Izraelidoj en la lando Kanaana.