Read La Sankta Biblio esparanto Nombroj 7 Bible Online

Nombroj 7 - La Sankta Biblio esparanto bible

Nombroj 7

¹En la tago, kiam Moseo finis la starigadon de la tabernaklo, kiam li sanktoleis ĝin kaj sanktigis ĝin kaj ĉiujn ĝiajn apartenaĵojn kaj la altaron kaj ĉiujn ĝiajn apartenaĵojn kaj sanktoleis ilin kaj sanktigis ilin,

²tiam alportis la estroj de Izrael, la ĉefoj de siaj patrodomoj, tiuj estroj de la triboj, tiuj, kiuj administris la kalkuladon-

³ili alportis siajn oferojn antaŭ la Eternulon, ses kovritajn veturilojn kaj dek du bovojn, po unu veturilo de du estroj kaj po unu bovo de ĉiu, kaj ili venigis tion antaŭ la tabernaklon.

⁴Kaj la Eternulo ekparolis al Moseo, dirante:

⁵Prenu de ili, kaj tio estu por la plenumado de la laboroj ĉe la tabernaklo de kunveno; kaj donu tion al la Levidoj, al ĉiu laŭ la speco de lia laborado.

⁶Kaj Moseo prenis la veturilojn kaj la bovojn kaj donis ilin al la Levidoj.

⁷Du veturilojn kaj kvar bovojn li donis al la filoj de Gerŝon laŭ la speco de ilia laborado;

⁸kaj kvar veturilojn kaj ok bovojn li donis al la filoj de Merari laŭ la speco de ilia laborado, sub la kontrolo de Itamar, filo de la pastro Aaron.

⁹Sed al la filoj de Kehat li ne donis, ĉar ili havis laboradon sanktan; sur la ŝultroj ili devis porti.

¹⁰Kaj la estroj alportis oferojn por inaŭgura dono de la altaro, en la tago, en kiu ĝi estis sanktoleita; kaj la estroj alportis sian oferon antaŭ la altaron.

¹¹Kaj la Eternulo diris al Moseo: Po unu estro en tago ili alportu sian oferon por la inaŭguro de la altaro.

¹²En la unua tago la alportanto de sia ofero estis Naĥŝon, filo de Aminadab, de la tribo de Jehuda.

¹³Kaj lia ofero estis: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

¹⁴unu ora kulero deksikla, plena de incenso;

¹⁵unu bovido, unu virŝafo, unu jaraĝa ŝafido por brulofero;

¹⁶unu kapro por pekofero;

¹⁷kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Naĥŝon, filo de Aminadab.

¹⁸En la dua tago alportis Natanel, filo de Cuar, estro de Isaĥar.

¹⁹Li alportis sian oferon, kiu estis: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

²⁰unu ora kulero deksikla, plena de incenso;

²¹unu bovido, unu virŝafo, unu jaraĝa ŝafido por brulofero;

²²unu kapro por pekofero;

²³kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Netanel, filo de Cuar.

²⁴En la tria tago-la estro de la Zebulunidoj, Eliab, filo de Ĥelon.

²⁵Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

²⁶unu ora kulero deksikla, plena de incenso;

²⁷unu bovido, unu virŝafo, unu jaraĝa ŝafido por brulofero;

²⁸unu kapro por pekofero;

²⁹kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Eliab, filo de Ĥelon.

³⁰En la kvara tago-la estro de la Rubenidoj, Elicur, filo de Ŝedeur.

³¹Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

³²unu ora kulero deksikla, plena de incenso;

³³unu bovido, unu virŝafo, unu jaraĝa ŝafido por brulofero;

³⁴unu kapro por pekofero;

³⁵kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Elicur, filo de Ŝedeur.

³⁶En la kvina tago-la estro de la Simeonidoj, Ŝelumiel, filo de Curiŝadaj.

³⁷Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

³⁸unu ora kulero deksikla, plena de incenso;

³⁹unu bovido, unu virŝafo, unu jaraĝa ŝafido por brulofero;

⁴⁰unu kapro por pekofero;

⁴¹kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Ŝelumiel, filo de Curiŝadaj.

⁴²En la sesa tago-la estro de la Gadidoj, Eljasaf, filo de Deuel.

⁴³Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

⁴⁴unu ora kulero deksikla, plena de incenso;

⁴⁵unu bovido, unu virŝafo, unu jaraĝa ŝafido por brulofero;

⁴⁶unu kapro por pekofero;

⁴⁷kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Eljasaf, filo de Deuel.

⁴⁸En la sepa tago-la estro de la Efraimidoj, Eliŝama, filo de Amihud.

⁴⁹Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

⁵⁰unu ora kulero deksikla, plena de incenso;

⁵¹unu bovido, unu virŝafo, unu jaraĝa ŝafido por brulofero;

⁵²unu kapro por pekofero;

⁵³kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Eliŝama, filo de Amihud.

⁵⁴En la oka tago-la estro de la Manaseidoj, Gamliel, filo de Pedacur.

⁵⁵Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

⁵⁶unu ora kulero deksikla, plena de incenso;

⁵⁷unu bovido, unu virŝafo, unu jaraĝa ŝafido por brulofero;

⁵⁸unu kapro por pekofero;

⁵⁹kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Gamliel, filo de Pedacur.

⁶⁰En la naŭa tago-la estro de la Benjamenidoj, Abidan, filo de Gideoni.

⁶¹Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

⁶²unu ora kulero deksikla, plena de incenso;

⁶³unu bovido, unu virŝafo, unu jaraĝa ŝafido por brulofero;

⁶⁴unu kapro por pekofero;

⁶⁵kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Abidan, filo de Gideoni.

⁶⁶En la deka tago-la estro de la Danidoj, Aĥiezer, filo de Amiŝadaj.

⁶⁷Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

⁶⁸unu ora kulero deksikla, plena de incenso;

⁶⁹unu bovido, unu virŝafo, unu jaraĝa ŝafido por brulofero;

⁷⁰unu kapro por pekofero;

⁷¹kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Aĥiezer, filo de Amiŝadaj.

⁷²En la dek-unua tago-la estro de la Aŝeridoj, Pagiel, filo de Oĥran.

⁷³Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

⁷⁴unu ora kulero deksikla, plena de incenso;

⁷⁵unu bovido, unu virŝafo, unu jaraĝa ŝafido por brulofero;

⁷⁶unu kapro por pekofero;

⁷⁷kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Pagiel, filo de Oĥran.

⁷⁸En la dek-dua tago-la estro de la Naftaliidoj, Aĥira, filo de Enan.

⁷⁹Lia ofero: unu arĝenta plado, havanta la pezon de cent tridek sikloj, unu arĝenta kaliko de sepdek sikloj, laŭ la sankta siklo, ambaŭ plenaj de delikata faruno, miksita kun oleo, por farunofero;

⁸⁰unu ora kulero deksikla, plena de incenso;

⁸¹unu bovido, unu virŝafo, unu jaraĝa ŝafido por brulofero;

⁸²unu kapro por pekofero;

⁸³kaj por pacofero du bovoj, kvin virŝafoj, kvin virkaproj, kvin jaraĝaj ŝafidoj. Tio estis la ofero de Aĥira, filo de Enan.

⁸⁴Tia estis la inaŭgura dono de la altaro, en la tago, en kiu ĝi estis sanktoleita, de la estroj de Izrael: dek du arĝentaj pladoj, dek du arĝentaj kalikoj, dek du oraj kuleroj;

⁸⁵po cent tridek sikloj da arĝento havis ĉiu plado, kaj po sepdek ĉiu kaliko; la tuta arĝento de tiuj vazoj estis du mil kvarcent sikloj laŭ la sankta siklo.

⁸⁶Da oraj kuleroj plenaj de incenso estis dek du; po dek sikloj havis ĉiu kulero, laŭ la sankta siklo; la tuta oro de la kuleroj estis cent dudek sikloj.

⁸⁷Ĉiuj brutoj por brulofero estis: dek du bovidoj, dek du virŝafoj, dek du jaraĝaj ŝafidoj, kaj al ili farunoferoj; kaj dek du kaproj por pekofero.

⁸⁸Kaj ĉiuj brutoj por pacofero estis: dudek kvar bovoj, sesdek virŝafoj, sesdek virkaproj, sesdek jaraĝaj ŝafidoj. Tio estis la inaŭgura dono de la altaro, post kiam ĝi estis sanktoleita.

⁸⁹Kaj kiam Moseo eniris en la tabernaklon de kunveno, por paroli kun Li, li aŭdis la Voĉon, parolantan al li de super la fermoplato, kiu estas sur la kesto de atesto, inter la du keruboj; kaj estis parolate al li.