Read La Sankta Biblio esparanto Josuo 15 Bible Online

Josuo 15 - La Sankta Biblio esparanto bible

Josuo 15

¹La lotaĵo de la tribo de la Jehudaidoj laŭ iliaj familioj estis: ĉe la limo de Edom la dezerto Cin, sude, en la suda fino de la lando.

²Ilia suda limo estis de la fino de la Sala Maro, de la golfo, kiu direktiĝas suden.

³Kaj ĝi iras de sude al la altaĵo Akrabim kaj pasas tra Cin kaj leviĝas de sude ĝis Kadeŝ-Barnea kaj pasas tra Ĥecron kaj leviĝas ĝis Adar kaj turniĝas al Karka

⁴kaj pasas tra Acmon kaj iras al la torento Egipta; kaj la fino de la limo estas la maro. Tio estu por vi la limo suda.

⁵Kaj la limo oriente estas la Sala Maro ĝis la fino de Jordan; kaj la limo de la flanko norda estas de la golfo de la maro ĉe la fino de Jordan;

⁶kaj la limo leviĝas al Bet-Ĥogla kaj pasas norde al Bet-Araba, kaj la limo leviĝas al la ŝtono de Bohan, filo de Ruben.

⁷Kaj la limo leviĝas al Debir de la valo Aĥor, kaj norde ĝi turniĝas al Gilgal, kiu estas kontraŭ la altaĵo Adumim, kiu estas sude de la torento; kaj la limo pasas al la akvo En-Ŝemeŝ kaj finiĝas ĉe En-Rogel.

⁸Kaj la limo leviĝas al la valo de la filo de Hinom, ĉe la suda flanko de la Jebusidoj, kio estas Jerusalem, kaj la limo leviĝas al la supro de la monto, kiu estas okcidente kontraŭ la valo de Hinom, kiu estas ĉe la fino de la valo Refaim norde.

⁹Kaj de la supro de la monto la limo turniĝas al la fonto de la akvo Neftoaĥ kaj iras al la urboj de la monto Efron; kaj la limo turniĝas al Baala, kiu estas Kirjat-Jearim.

¹⁰Kaj la limo turniĝas de Baala okcidenten al la monto Ŝeir, kaj iras preter la norda flanko de la monto Jearim, kiu estas Kesalon, kaj malleviĝas al Bet-Ŝemeŝ kaj iras al Timna;

¹¹kaj la limo iras preter la norda flanko de Ekron; kaj la limo turniĝas al Ŝikron kaj pasas tra la monto Baala kaj iras al Jabneel; kaj la fino de la limo estas ĉe la maro.

¹²La okcidenta limo estas la Granda Maro. Ĉi tiu limo estas la limo de la Jehudaidoj ĉirkaŭe, laŭ iliaj familioj.

¹³Kaj al Kaleb, filo de Jefune, estis donita parto meze de la Jehudaidoj, laŭ la diro de la Eternulo al Josuo, la urbo de Arba, patro de Anak (tio estas Ĥebron).

¹⁴Kaj Kaleb elpelis el tie la tri filojn de Anak: Ŝeŝaj kaj Aĥiman kaj Talmaj, la naskitojn de Anak.

¹⁵Kaj de tie li iris al la loĝantoj de Debir; la nomo de Debir antaŭe estis Kirjat-Sefer.

¹⁶Kaj Kaleb diris: Kiu venkobatos Kirjat-Seferon kaj prenos ĝin, al tiu mi donos mian filinon Aĥsa kiel edzinon.

¹⁷Kaj prenis ĝin Otniel, filo de Kenaz, frato de Kaleb; kaj li donis al li sian filinon Aĥsa kiel edzinon.

¹⁸Kaj kiam ŝi venis, ŝi instigis lin peti de ŝia patro kampon. Kaj ŝi malsupreniĝis de la azeno, kaj Kaleb diris al ŝi: Kio estas al vi?

¹⁹Kaj ŝi diris: Donu al mi benon; ĉar vi donis al mi teron sudflankan, tial donu al mi ankaŭ akvofontojn. Kaj li donis al ŝi fontojn suprajn kaj fontojn malsuprajn.

²⁰Jen estas la posedaĵo de la tribo de la Jehudaidoj laŭ iliaj familioj.

²¹Kaj la urboj ĉe la rando de la tribo de la Jehudaidoj, apud la limo de Edom sude, estis: Kabceel kaj Eder kaj Jagur

²²kaj Kina kaj Dimona kaj Adada

²³kaj Kedeŝ kaj Ĥacor kaj Jitnan,

²⁴Zif kaj Telem kaj Bealot

²⁵kaj Ĥacor-Ĥadata kaj Keriot-Ĥecron (tio estas Ĥacor),

²⁶Amam kaj Ŝema kaj Molada

²⁷kaj Ĥacar-Gada kaj Ĥeŝmon kaj Bet-Pelet

²⁸kaj Ĥacar-Ŝual kaj Beer-Ŝeba kaj Bizjotja,

²⁹Baala kaj Ijim kaj Ecem

³⁰kaj Eltolad kaj Kesil kaj Ĥorma

³¹kaj Ciklag kaj Madmana kaj Sansana

³²kaj Lebaot kaj Ŝilĥim kaj Ain kaj Rimon. La nombro de ĉiuj urboj estis dudek naŭ kaj iliaj vilaĝoj.

³³Sur la malaltaĵo: Eŝtaol kaj Corea kaj Aŝna

³⁴kaj Zanoaĥ kaj En-Ganim, Tapuaĥ kaj Enam,

³⁵Jarmut kaj Adulam, Soĥo kaj Azeka

³⁶kaj Ŝaaraim kaj Aditaim kaj Gedera kaj Gederotaim: dek kvar urboj kaj iliaj vilaĝoj.

³⁷Cenan kaj Ĥadaŝa kaj Migdal-Gad

³⁸kaj Dilan kaj Micpe kaj Jokteel,

³⁹Laĥiŝ kaj Bockat kaj Eglon

⁴⁰kaj Kabon kaj Laĥmas kaj Kitliŝ

⁴¹kaj Gederot, Bet-Dagon kaj Naama kaj Makeda: dek ses urboj kaj iliaj vilaĝoj.

⁴²Libna kaj Eter kaj Aŝan

⁴³kaj Jiftaĥ kaj Aŝna kaj Necib

⁴⁴kaj Keila kaj Aĥzib kaj Mareŝa: naŭ urboj kaj iliaj vilaĝoj.

⁴⁵Ekron kaj ĝiaj urbetoj kaj ĝiaj vilaĝoj.

⁴⁶De Ekron ĝis la maro ĉio, kio estas ĉirkaŭ Aŝdod kaj ĝiaj vilaĝoj.

⁴⁷Aŝdod, ĝiaj urbetoj kaj ĝiaj vilaĝoj; Gaza, ĝiaj urbetoj kaj ĝiaj vilaĝoj, ĝis la torento Egipta; kaj la Granda Maro estas la limo.

⁴⁸Kaj sur la monto: Ŝamir kaj Jatir kaj Soĥo

⁴⁹kaj Dana kaj Kirjat-Sana (tio estas Debir)

⁵⁰kaj Anab kaj Eŝtemo kaj Anim

⁵¹kaj Goŝen kaj Ĥolon kaj Gilo: dek unu urboj kaj iliaj vilaĝoj.

⁵²Arab kaj Duma kaj Eŝan

⁵³kaj Janum kaj Bet-Tapuaĥ kaj Afeka

⁵⁴kaj Ĥumta kaj Kirjat-Arba (tio estas Ĥebron) kaj Cior; naŭ urboj kaj iliaj vilaĝoj.

⁵⁵Maon, Karmel kaj Zif kaj Juta

⁵⁶kaj Jizreel kaj Jokdeam kaj Zanoaĥ,

⁵⁷Kain, Gibea kaj Timna: dek urboj kaj iliaj vilaĝoj.

⁵⁸Ĥalĥul, Bet-Cur kaj Gedor

⁵⁹kaj Maarat kaj Bet-Anot kaj Eltekon: ses urboj kaj iliaj vilaĝoj.

⁶⁰Kirjat-Baal (tio estas Kirjat-Jearim) kaj Raba: du urboj kaj iliaj vilaĝoj.

⁶¹En la dezerto: Bet-Araba kaj Midin kaj Seĥaĥa

⁶²kaj Nibŝan kaj la Urbo de Salo kaj En-Gedi: ses urboj kaj iliaj vilaĝoj.

⁶³Sed la Jebusidojn, loĝantojn de Jerusalem, la Jehudaidoj ne povis forpeli; kaj la Jebusidoj restis kun la Jehudaidoj en Jerusalem ĝis la nuna tago.