Read La Sankta Biblio esparanto Josuo 19 Bible Online

Josuo 19 - La Sankta Biblio esparanto bible

Josuo 19

¹Kaj la dua loto eliris por Simeon, por la tribo de la Simeonidoj, laŭ iliaj familioj. Kaj ilia posedaĵo estis meze de la posedaĵo de la Jehudaidoj.

²Apartenis al ili en ilia posedaĵo: Beer-Ŝeba (kun Ŝeba) kaj Molada

³kaj Ĥacar-Ŝual kaj Bala kaj Ecem

⁴kaj Eltolad kaj Betul kaj Ĥorma

⁵kaj Ciklag kaj Bet-Markabot kaj Ĥacar-Susa

⁶kaj Bet-Lebaot kaj Ŝaruĥen: dek tri urboj kaj iliaj vilaĝoj.

⁷Ain, Rimon kaj Eter kaj Aŝan: kvar urboj kaj iliaj vilaĝoj.

⁸Kaj ĉiuj vilaĝoj, kiuj estas ĉirkaŭ tiuj urboj, ĝis Baalat-Beer, Ramat sude. Tio estas la posedaĵo de la tribo de la Simeonidoj, laŭ iliaj familioj.

⁹El la landpeco de la Jehudaidoj estis la posedaĵo de la Simeonidoj; ĉar la parto de la Jehudaidoj estis tro granda por ili, tial la Simeonidoj ricevis posedaĵon meze de ilia posedaĵo.

¹⁰Kaj la tria loto eliris por la Zebulunidoj, laŭ iliaj familioj; kaj la limo de ilia posedaĵo estis ĝis Sarid.

¹¹Kaj ilia limo iras ĝis la maro kaj Marala, kaj kuntuŝiĝas kun Dabeŝet, kaj kuntuŝiĝas kun la torento, kiu estas antaŭ Jokneam.

¹²Kaj ĝi iras returne de Sarid orienten, al la flanko de sunleviĝo, ĝis la limo de Kislot-Tabor; kaj ĝi iras al Dabrat, kaj leviĝas al Jafia.

¹³Kaj de tie ĝi iras orienten, al la flanko de sunleviĝo, tra Gat- Ĥefer kaj Et-Kacin, kaj eliras al Rimon-Metoar kaj Nea.

¹⁴Kaj la limo turniĝas de nordo al Ĥanaton, kaj finiĝas en la valo Jiftaĥ-El.

¹⁵Kaj Katat, kaj Nahalal kaj Ŝimron kaj Jidala kaj Bet-Leĥem: dek du urboj kaj iliaj vilaĝoj.

¹⁶Tio estas la posedaĵo de la Zebulunidoj, laŭ iliaj familioj, tiuj urboj kaj iliaj vilaĝoj.

¹⁷Por Isaĥar eliris la kvara loto, por la Isaĥaridoj, laŭ iliaj familioj.

¹⁸Kaj ilia limo estis: Jizreel kaj Kesulot kaj Ŝunem

¹⁹kaj Ĥafaraim kaj Ŝion kaj Anaĥarat

²⁰kaj Rabit kaj Kiŝjon kaj Abec

²¹kaj Remet kaj En-Ganim kaj En-Ĥada kaj Bet-Pacec.

²²Kaj la limo kuntuŝiĝas al Tabor kaj Ŝaĥacima kaj Bet-Ŝemeŝ; kaj ilia limo finiĝas ĉe Jordan: dek ses urboj kaj iliaj vilaĝoj.

²³Tio estas la posedaĵo de la tribo de la Isaĥaridoj, laŭ iliaj familioj, la urboj kaj iliaj vilaĝoj.

²⁴Kaj la kvina loto eliris por la tribo de la Aŝeridoj, laŭ iliaj familioj.

²⁵Kaj ilia limo estis: Ĥelkat kaj Ĥali kaj Beten kaj Aĥŝaf

²⁶kaj Alameleĥ kaj Amad kaj Miŝal. Kaj ĝi kuntuŝiĝas al Karmel okcidente, kaj al Ŝiĥor-Libnat.

²⁷Kaj ĝi returniĝas oriente al Bet-Dagon, kaj kuntuŝiĝas al Zebulun kaj al la valo Jiftaĥ-El norde, al Bet-Emek kaj Neiel, kaj eliras al Kabul maldekstre.

²⁸Kaj Ebron kaj Reĥob kaj Ĥamon kaj Kana ĝis Granda Cidon.

²⁹Kaj la limo returniĝas al Rama kaj al la fortikigita urbo Tiro; kaj la limo returniĝas al Ĥosa, kaj finiĝas ĉe la maro, de Ĥebel ĝis Aĥzib;

³⁰kaj Uma kaj Afek kaj Reĥob: dudek du urboj kaj iliaj vilaĝoj.

³¹Tio estas la posedaĵo de la tribo de la Aŝeridoj, laŭ iliaj familioj, tiuj urboj kaj iliaj vilaĝoj.

³²Por la Naftaliidoj eliris la sesa loto, por la Naftaliidoj, laŭ iliaj familioj.

³³Kaj ilia limo estis de Ĥelef, de la kverkaro ĉe Caananim, Adami- Nekeb, kaj Jabneel, ĝis Lakum; kaj ĝi finiĝas ĉe Jordan.

³⁴Kaj la limo turniĝas okcidenten al Aznot-Tabor, kaj eliras de tie al Ĥukok, kaj kuntuŝiĝas al Zebulun sude, kaj al Aŝer ĝi kuntuŝiĝas okcidente, kaj al Jehuda ĉe Jordan oriente.

³⁵Kaj fortikigitaj urboj: Cidim, Cer kaj Ĥamat, Rakat kaj Kineret

³⁶kaj Adama kaj Rama kaj Ĥacor

³⁷kaj Kedeŝ kaj Edrei kaj En-Ĥacor

³⁸kaj Jiron kaj Migdal-El, Ĥorem kaj Bet-Anat kaj Bet-Ŝemeŝ: dek naŭ urboj kaj iliaj vilaĝoj.

³⁹Tio estas la posedaĵo de la tribo de la Naftaliidoj, laŭ iliaj familioj, la urboj kaj iliaj vilaĝoj.

⁴⁰Por la tribo de la Danidoj, laŭ iliaj familioj, eliris la sepa loto.

⁴¹Kaj la limo de ilia posedaĵo estis: Corea kaj Eŝtaol kaj Ir-Ŝemeŝ

⁴²kaj Ŝaalabin kaj Ajalon kaj Jitla

⁴³kaj Elon kaj Timna kaj Ekron

⁴⁴kaj Elteke kaj Gibeton kaj Baalat

⁴⁵kaj Jehud kaj Bene-Berak kaj Gat-Rimon

⁴⁶kaj Me-Jarkon kaj Rakon, kun la limo apud Jafo.

⁴⁷Kaj tie finiĝas la limo de la Danidoj. Kaj la Danidoj iris kaj militis kontraŭ Leŝem, kaj prenis ĝin kaj batis ĝin per glavo, kaj ekposedis ĝin kaj enloĝiĝis en ĝi, kaj donis al Leŝem la nomon Dan, laŭ la nomo de Dan, ilia patro.

⁴⁸Tio estas la posedaĵo de la tribo de la Danidoj, laŭ iliaj familioj, tiuj urboj kaj iliaj vilaĝoj.

⁴⁹Kaj ili finis la dividadon de la lando laŭ ĝiaj limoj; kaj la Izraelidoj donis al Josuo, filo de Nun, heredan posedaĵon inter si.

⁵⁰Laŭ la ordono de la Eternulo ili donis al li la urbon, kiun li petis, Timnat-Seraĥ sur la monto de Efraim; kaj li konstruis la urbon kaj loĝis en ĝi.

⁵¹Tio estas la posedaĵoj, kiujn la pastro Eleazar, kaj Josuo, filo de Nun, kaj la familiestroj disdividis al la triboj de la Izraelidoj laŭ loto, en Ŝilo, antaŭ la Eternulo, antaŭ la pordo de la tabernaklo de kunveno. Kaj ili finis la dividadon de la lando.