Read La Sankta Biblio 1926 esparanto 1 Kroniko 24 Bible Online

1 Kroniko 24 - La Sankta Biblio 1926 esparanto bible

1 Kroniko 24

¹La ordo de la Aaronidoj: la filoj de Aaron: Nadab, Abihu, Eleazar, kaj Itamar.

²Nadab kaj Abihu mortis pli frue ol ilia patro, kaj filojn ili ne havis; kaj Eleazar kaj Itamar fariĝis pastroj.

³La ordon aranĝis David, kaj Cadok el la idoj de Eleazar, kaj Aĥimeleĥ el la idoj de Itamar, laŭ iliaj oficoj ĉe ilia servado.

⁴Montriĝis, ke inter la idoj de Eleazar estis pli granda nombro da viroj, ol inter la idoj de Itamar. Oni dividis ilin: por la idoj de Eleazar estis dek ses ĉefoj de patrodomoj, kaj por la idoj de Itamar ok patrodomoj.

⁵Oni dividis ilin per lotado, ambaŭ partojn paralele, ĉar la estroj de la sanktejo kaj la estroj en la aferoj de Dio estis el la idoj de Eleazar kaj el la idoj de Itamar.

⁶Kaj enskribis ilin Ŝemaja, filo de Netanel, skribisto el la Levidoj, antaŭ la reĝo kaj la estroj, antaŭ la pastro Cadok, antaŭ Aĥimeleĥ, filo de Ebjatar, kaj antaŭ la ĉefoj de patrodomoj de la pastroj kaj de la Levidoj; unu loto estis por patrodomo de Eleazaridoj, kaj unu loto estis por patrodomo de Itamaridoj.

⁷La unua loto eliris por Jehojarib, la dua por Jedaja,

⁸la tria por Ĥarim, la kvara por Seorim,

⁹la kvina por Malkija, la sesa por Mijamin,

¹⁰la sepa por Hakoc, la oka por Abija,

¹¹la naŭa por Jeŝua, la deka por Ŝeĥanja,

¹²la dek-unua por Eljaŝib, la dek-dua por Jakim,

¹³la dek-tria por Ĥupa, la dek-kvara por Jeŝebab,

¹⁴la dek-kvina por Bilga, la dek-sesa por Imer,

¹⁵la dek-sepa por Ĥezir, la dek-oka por Hapicec,

¹⁶la dek-naŭa por Petaĥja, la dudeka por Jeĥezkel,

¹⁷la dudek-unua por Jaĥin, la dudek-dua por Gamul,

¹⁸la dudek-tria por Delaja, la dudek-kvara por Maazja.

¹⁹Tio estis ilia ordo ĉe ilia servado, por iri en la domon de la Eternulo laŭ la preskribo donita per ilia patro Aaron, kiel ordonis al li la Eternulo, Dio de Izrael.

²⁰La ordo por la ceteraj idoj de Levi: el la idoj de Amram: Ŝubael; el la idoj de Ŝubael: Jeĥdeja;

²¹ĉe Reĥabja: el la idoj de Reĥabja la unua estis Jiŝija;

²²ĉe la Jicharidoj: Ŝelomot; el la filoj de Ŝelomot: Jaĥat;

²³la filoj de Ĥebron: Jerija, Amarja estis la dua, Jaĥaziel la tria, Jekameam la kvara;

²⁴el la filoj de Uziel: Miĥa; el la filoj de Miĥa: Ŝamir;

²⁵la frato de Miĥa estis Jiŝija; el la filoj de Jiŝija: Zeĥarja;

²⁶el la filoj de Merari: Maĥli kaj Muŝi; el la filoj de Jaazija: Beno;

²⁷el la idoj de Merari: ĉe Jaazija: Beno, Ŝoham, Zakur, kaj Ibri;

²⁸ĉe Maĥli: Eleazar; li ne havis filojn;

²⁹ĉe Kiŝ: el la filoj de Kiŝ: Jeraĥmeel;

³⁰la filoj de Muŝi: Maĥli, Eder, kaj Jerimot. Tio estas la Levidoj laŭ iliaj patrodomoj.

³¹Ili ankaŭ lotis samtempe kun siaj fratoj la Aaronidoj, antaŭ la reĝo David, Cadok, Aĥimeleĥ, kaj la ĉefoj de patrodomoj de la pastroj kaj de la Levidoj: ĉefo de patrodomo egale kun sia pli malgranda frato.