Read La Sankta Biblio 1926 esparanto Ezra 2 Bible Online

Ezra 2 - La Sankta Biblio 1926 esparanto bible

Ezra 2

¹Jen estas la loĝantoj de la lando, kiuj iris el la forkaptitoj, kiujn forkondukis en Babelon Nebukadnecar, reĝo de Babel, kaj kiuj revenis en Jerusalemon kaj en Judujon, ĉiu en sian urbon,

²kiuj venis kun Zerubabel, Jeŝua, Neĥemja, Seraja, Reelaja, Mordeĥaj, Bilŝan, Mispar, Bigvaj, Reĥum, Baana. La nombro de la viroj de la popolo Izraela estis:

³de la idoj de Paroŝ, du mil cent sepdek du,

⁴de la idoj de Ŝefatja, tricent sepdek du,

⁵de la idoj de Araĥ, sepcent sepdek kvin,

⁶de la idoj de Paĥat-Moab, el la idoj de Jeŝua kaj Joab, du mil okcent dek du,

⁷de la idoj de Elam, mil ducent kvindek kvar,

⁸de la idoj de Zatu, naŭcent kvardek kvin,

⁹de la idoj de Zakaj, sepcent sesdek,

¹⁰de la idoj de Bani, sescent kvardek du,

¹¹de la idoj de Bebaj, sescent dudek tri,

¹²de la idoj de Azgad, mil ducent dudek du,

¹³de la idoj de Adonikam, sescent sesdek ses,

¹⁴de la idoj de Bigvaj, du mil kvindek ses,

¹⁵de la idoj de Adin, kvarcent kvindek kvar,

¹⁶de la idoj de Ater, el la domo de Ĥizkija, naŭdek ok,

¹⁷de la idoj de Becaj, tricent dudek tri,

¹⁸de la idoj de Jora, cent dek du,

¹⁹de la idoj de Ĥaŝum, ducent dudek tri,

²⁰de la idoj de Gibar, naŭdek kvin,

²¹de la idoj de Bet-Leĥem, cent dudek tri,

²²de la loĝantoj de Netofa, kvindek ses,

²³de la loĝantoj de Anatot, cent dudek ok,

²⁴de la idoj de Azmavet, kvardek du,

²⁵de la idoj de Kirjat-Arim, Kefira, kaj Beerot, sepcent kvardek tri,

²⁶de la idoj de Rama kaj Geba, sescent dudek unu,

²⁷de la loĝantoj de Miĥmas, cent dudek du,

²⁸de la loĝantoj de Bet-El kaj Aj, ducent dudek tri,

²⁹de la idoj de Nebo, kvindek du,

³⁰de la idoj de Magbiŝ, cent kvindek ses,

³¹de la idoj de la alia Elam, mil ducent kvindek kvar,

³²de la idoj de Ĥarim, tricent dudek,

³³de la idoj de Lod, Ĥadid, kaj Ono, sepcent dudek kvin,

³⁴de la idoj de Jeriĥo, tricent kvardek kvin,

³⁵de la idoj de Senaa, tri mil sescent tridek.

³⁶De la pastroj: de la idoj de Jedaja, el la domo de Jeŝua, naŭcent sepdek tri,

³⁷de la idoj de Imer, mil kvindek du,

³⁸de la idoj de Paŝĥur, mil ducent kvardek sep,

³⁹de la idoj de Ĥarim, mil dek sep.

⁴⁰De la Levidoj: de la idoj de Jeŝua kaj Kadmiel, el la filoj de Hodavja, sepdek kvar.

⁴¹De la kantistoj: de la idoj de Asaf, cent dudek ok.

⁴²De la idoj de la pordegistoj: la idoj de Ŝalum, la idoj de Ater, la idoj de Talmon, la idoj de Akub, la idoj de Ĥatita, la idoj de Ŝobaj, ĉiuj kune cent tridek naŭ.

⁴³De la Netinoj: la idoj de Ciĥa, la idoj de Ĥasufa, la idoj de Tabaot,

⁴⁴la idoj de Keros, la idoj de Siaha, la idoj de Padon,

⁴⁵la idoj de Lebana, la idoj de Ĥagaba, la idoj de Akub,

⁴⁶la idoj de Ĥagab, la idoj de Ŝalmaj, la idoj de Ĥanan,

⁴⁷la idoj de Gidel, la idoj de Gaĥar, la idoj de Reaja,

⁴⁸la idoj de Recin, la idoj de Nekoda, la idoj de Gazam,

⁴⁹la idoj de Uza, la idoj de Paseaĥ, la idoj de Besaj,

⁵⁰la idoj de Asna, la idoj de Meunim, la idoj de Nefusim,

⁵¹la idoj de Bakbuk, la idoj de Ĥakufa, la idoj de Ĥarĥur,

⁵²la idoj de Baclut, la idoj de Meĥida, la idoj de Ĥarŝa,

⁵³la idoj de Barkos, la idoj de Sisra, la idoj de Tamaĥ,

⁵⁴la idoj de Neciaĥ, la idoj de Ĥatifa.

⁵⁵La idoj de la servantoj de Salomono: la idoj de Sotaj, la idoj de Soferet, la idoj de Peruda,

⁵⁶la idoj de Jaala, la idoj de Darkon, la idoj de Gidel,

⁵⁷la idoj de Ŝefatja, la idoj de Ĥatil, la idoj de Poĥeret-Cebaim, la idoj de Ami.

⁵⁸La nombro de ĉiuj Netinoj kaj de la idoj de la servantoj de Salomono estis tricent naŭdek du.

⁵⁹Kaj jen estas la elirintoj el Tel-Melaĥ, Tel-Ĥarŝa, Kerub, Adan, kaj Imer, kiuj ne povis montri sian patrodomon kaj devenon, ĉu ili devenas de Izrael:

⁶⁰la idoj de Delaja, la idoj de Tobija, la idoj de Nekoda, sescent kvindek du.

⁶¹Kaj el la pastridoj: la idoj de Ĥabaja, la idoj de Hakoc, la idoj de Barzilaj, kiu prenis al si edzinon el la filinoj de Barzilaj, la Gileadano, kaj estis nomata per ilia nomo.

⁶²Ili serĉis siajn dokumentojn genealogiajn, sed ĉi tiuj ne troviĝis; tial ili estis eligitaj el la listo de la pastroj.

⁶³Kaj la regionestro diris al ili, ke ili ne manĝu el la plejsanktaĵo, ĝis aperos pastro kun la signoj de lumo kaj de justo.

⁶⁴La tuta komunumo kune konsistis el kvardek du mil tricent sesdek homoj,

⁶⁵krom iliaj sklavoj kaj sklavinoj, kies nombro estis sep mil tricent tridek sep, kaj al tio estis ducent kantistoj kaj kantistinoj.

⁶⁶Da ĉevaloj ili havis sepcent tridek ses; da muloj ili havis ducent kvardek kvin;

⁶⁷da kameloj ili havis kvarcent tridek kvin; da azenoj ses mil sepcent dudek.

⁶⁸Kelkaj el la ĉefoj de patrodomoj, veninte al la domo de la Eternulo en Jerusalem, faris memvolan oferon por la domo de Dio, por restarigi ĝin sur ĝia fundamento.

⁶⁹Laŭ sia povo ili donis en la trezorejon de la laboroj: da oro sesdek unu mil darkemonojn, da arĝento kvin mil min'ojn, kaj da pastraj vestoj cent.

⁷⁰Kaj ekloĝis la pastroj kaj la Levidoj kaj la popolanoj kaj la kantistoj kaj la pordegistoj kaj la Netinoj en siaj urboj, kaj la tuta Izrael en siaj urboj.