Read La Sankta Biblio 1926 esparanto Ijob 26 Bible Online

Ijob 26 - La Sankta Biblio 1926 esparanto bible

Ijob 26

¹Ijob respondis kaj diris:

²Kiel vi helpas al tiu, kiu ne havas forton! Kiel vi subtenas tiun, kies brako estas senforta!

³Kian konsilon vi donas al tiu, kiu ne havas saĝon, Kaj kiel grandan prudenton vi montras!

⁴Al kiu vi parolas vortojn? Kaj kies spirito eliras el vi?

⁵La mortintoj tremas sub la akvo, Kaj ankaŭ tiuj, kiuj vivas en ĝi.

⁶Ŝeol estas malkovrita antaŭ Li, Kaj la abismo ne havas kovron.

⁷Li etendis la nordon super la malpleno, Li pendigis la teron sur nenio.

⁸Li ligas la akvon en Siaj nuboj, Kaj nubo ne krevas sub tio.

⁹Li kovras la tronon Kaj etendas ĉirkaŭ ĝi Sian nubon.

¹⁰Li faris limon sur la akvo, Ĝis la loko, kie finiĝas la lumo kaj la mallumo.

¹¹La kolonoj de la ĉielo ŝanceliĝas Kaj tremas de Lia krio.

¹²Per Sia forto Li kvietigas la maron, Kaj per Sia saĝo Li frakasas Rahabon.

¹³Per Lia spirito belegiĝis la ĉielo; Lia mano trapikas la tordiĝantan serpenton.

¹⁴Jen tio estas parto de Liaj vojoj; Kaj nur iometon ni aŭdis pri Li. Kiu povas kompreni la tondron de Lia potenco?