Read La Sankta Biblio 1926 esparanto Psalmaro 110 Bible Online

Psalmaro 110 - La Sankta Biblio 1926 esparanto bible

Psalmaro 110

¹Psalmo de David. La Eternulo diris al mia sinjoro: Sidu dekstre de Mi, Ĝis Mi faros viajn malamikojn benketo por viaj piedoj.

²La sceptron de via potenco la Eternulo sendos el Cion: Regu inter viaj malamikoj.

³En la tago de via potenco via popolo volonte sin donas al vi en sankta ornamo. De la komenco de matenruĝo aliĝas al vi la roso de via junularo.

⁴La Eternulo ĵuris, kaj ne pentos; Vi estas pastro por ĉiam, Laŭ la maniero de Melkicedek.

⁵La Sinjoro ĉe via dekstra flanko Frapas reĝojn en la tago de Sia kolero.

⁶Li juĝos inter la popoloj, inter plene da kadavroj; Li frakasos la ĉefon de granda lando.

⁷Li trinkos el rivero sur la vojo; Tial li levos la kapon.