Read La Sankta Biblio 1926 esparanto Psalmaro 111 Bible Online

Psalmaro 111 - La Sankta Biblio 1926 esparanto bible

Psalmaro 111

¹Haleluja! Mi gloras la Eternulon per mia tuta koro, En rondo de piuloj kaj en kunveno.

²Grandaj estas la faroj de la Eternulo, Serĉataj de ĉiuj, kiuj ilin amas.

³Bela kaj majesta estas Lia verko, Kaj Lia justeco restas eterne.

⁴Memorindaj Li faris Siajn miraklojn; Kompatema kaj favorkora estas la Eternulo.

⁵Li donas manĝon al tiuj, kiuj Lin timas; Li memoras eterne Sian interligon.

⁶La potencon de Siaj fortoj Li aperigis al Sia popolo, Doninte al ili la heredon de gentoj.

⁷La faroj de Liaj manoj estas vero kaj justeco; Perfektaj estas ĉiuj Liaj ordonoj;

⁸Ili estas fortikaj por eterne, Faritaj per vero kaj honesto.

⁹Liberigon Li sendis al Sia popolo; Li aranĝis por ĉiam Sian interligon. Sankta kaj respektinda estas Lia nomo.

¹⁰Komenco de saĝeco estas timo antaŭ la Eternulo; Bonan prudenton havas ĉiuj plenumantoj. Lia gloro restas eterne.