Read La Sankta Biblio 1926 esparanto Psalmaro 112 Bible Online

Psalmaro 112 - La Sankta Biblio 1926 esparanto bible

Psalmaro 112

¹Haleluja! Bone estas al la homo, kiu timas la Eternulon Kaj tre amas Liajn ordonojn.

²Forta sur la tero estos lia semo; La gento de virtuloj estos benita.

³Bonstato kaj riĉeco estas en lia domo; Kaj lia justeco restas eterne.

⁴En mallumo leviĝas lumo por la virtulo. Li estas kompatema, favorkora, kaj justa.

⁵Bone estas al la homo, kiu kompatas kaj pruntedonas, Kiu pesas siajn farojn per justeco.

⁶Ĉar neniam li falos; Virtulo estos memorata eterne.

⁷Malbonan famon li ne timos; Fortika estas lia koro, ĝi fidas la Eternulon.

⁸Senŝanceliĝa estas lia koro; Li ne timas, ĝis li vidas la pereon de siaj malamikoj.

⁹Li ŝutas kaj donas al la malriĉuloj; Lia justeco restas eterne, Lia korno altiĝos en honoro.

¹⁰La malvirtulo vidas kaj ĉagreniĝas, Kunfrapas la dentojn kaj konsumiĝas. La deziro de malvirtuloj pereos.