Read La Sankta Biblio 1926 esparanto Psalmaro 115 Bible Online

Psalmaro 115 - La Sankta Biblio 1926 esparanto bible

Psalmaro 115

¹Ne al ni, ho Eternulo, ne al ni, Sed al Via nomo donu honoron, Pro Via favorkoreco, pro Via vereco.

²Kial devas diri la popoloj: Kie do estas ilia Dio?

³Sed nia Dio estas en la ĉielo; Ĉion, kion Li deziras, Li faras.

⁴Iliaj idoloj estas arĝento kaj oro, Faritaĵo de homaj manoj.

⁵Buŝon ili havas, sed ne parolas; Okulojn ili havas, sed ne vidas;

⁶Orelojn ili havas, sed ne aŭdas; Nazon ili havas, sed ne flaras;

⁷Manojn ili havas, sed ne palpas; Piedojn ili havas, sed ne iras; Ili ne donas sonon per sia gorĝo.

⁸Kiel ili, tiel estos iliaj farantoj, Ĉiuj, kiuj ilin fidas.

⁹Ho Izrael, fidu la Eternulon; Li estas ilia helpo kaj ŝildo.

¹⁰Ho domo de Aaron, fidu la Eternulon; Li estas ilia helpo kaj ŝildo.

¹¹Ho timantoj de la Eternulo, fidu la Eternulon; Li estas ilia helpo kaj ŝildo.

¹²La Eternulo nin memoras, Li benas, Li benas la domon de Izrael, Li benas la domon de Aaron;

¹³Li benas la timantojn de la Eternulo, La malgrandajn kaj la grandajn.

¹⁴La Eternulo vin multigu, Vin kaj viajn infanojn.

¹⁵Vi estas benitaj de la Eternulo, Kiu faris la ĉielon kaj la teron.

¹⁶La ĉielo estas ĉielo de la Eternulo, Sed la teron Li donis al la homidoj.

¹⁷Ne la mortintoj gloros la Eternulon, Kaj ne tiuj, kiuj foriris en la silentejon.

¹⁸Sed ni benos la Eternulon De nun kaj eterne. Haleluja!