Read La Sankta Biblio 1926 esparanto Psalmaro 116 Bible Online

Psalmaro 116 - La Sankta Biblio 1926 esparanto bible

Psalmaro 116

¹Mi amas, ke la Eternulo aŭdas mian voĉon Kaj mian petegon,

²Ke Li klinis Sian orelon al mi; Kaj en miaj tagoj mi Lin vokos.

³Ĉirkaŭis min la ondoj de la morto, Kaj turmentoj de Ŝeol min trafis; Suferon kaj ĉagrenon mi trovis.

⁴Sed la nomon de la Eternulo mi vokis: Ho Eternulo, savu mian animon.

⁵Favorkora estas la Eternulo kaj justa, Kaj nia Dio estas kompatema.

⁶La Eternulo gardas la simplanimulojn; Mi estis en mizero, kaj Li min savis.

⁷Revenu, ho mia animo, al via trankvileco, Ĉar la Eternulo faris al vi bonon.

⁸Ĉar Vi savis mian animon de la morto, Miajn okulojn de larmoj, Miajn piedojn de falpuŝiĝo.

⁹Mi irados antaŭ la Eternulo En la lando de la vivo.

¹⁰Kun kredo mi diris: Mi estas tre afliktita.

¹¹Mi diris en mia konfuziĝo: Ĉu homo mensogas.

¹²Kion mi redonu al la Eternulo Por ĉiuj Liaj bonfaroj al mi?

¹³Mi levos la pokalon de savo, Kaj mi vokos la nomon de la Eternulo.

¹⁴Miajn promesojn al la Eternulo mi plenumos Antaŭ Lia tuta popolo.

¹⁵Grandvalora en la okuloj de la Eternulo Estas la morto de Liaj fideluloj.

¹⁶Ho Eternulo, mi ja estas Via sklavo, Mi estas Via sklavo, filo de Via sklavino; Vi disigis miajn ligilojn.

¹⁷Al Vi mi oferdonos dankan oferon, Kaj la nomon de la Eternulo mi vokos.

¹⁸Miajn promesojn al la Eternulo mi plenumos Antaŭ Lia tuta popolo,

¹⁹En la kortoj de la domo de la Eternulo, Interne de vi, ho Jerusalem.