Read La Sankta Biblio 1926 esparanto Psalmaro 122 Bible Online

Psalmaro 122 - La Sankta Biblio 1926 esparanto bible

Psalmaro 122

¹Kanto de suprenirado. De David. Mi ekĝojis, kiam oni diris al mi: Ni iru en la domon de la Eternulo.

²Niaj piedoj staris en viaj pordegoj, Ho Jerusalem,

³Vi Jerusalem, konstruita kiel urbo, En kiu ĉio kuniĝis.

⁴Tien supreniris la triboj, la triboj de la Eternulo, Laŭ la moro de Izrael, Por glori la nomon de la Eternulo.

⁵Ĉar tie staris tronoj de juĝo, Tronoj de la domo de David.

⁶Deziru pacon al Jerusalem; Bonan staton havu viaj amantoj.

⁷Paco estu inter viaj muroj, Bonstato en viaj palacoj.

⁸Pro miaj fratoj kaj amikoj mi do diru: Paco estu al vi.

⁹Pro la domo de la Eternulo, nia Dio, Mi deziras al vi bonon.