Read La Sankta Biblio 1926 esparanto Psalmaro 138 Bible Online

Psalmaro 138 - La Sankta Biblio 1926 esparanto bible

Psalmaro 138

¹De David. Mi gloras Vin el mia tuta koro; Antaŭ la dioj mi Vin prikantas.

²Mi kliniĝas antaŭ Via sankta templo, Kaj mi gloras Vian nomon por Via boneco kaj vereco; Ĉar Vi grandigis pli ol ĉio Vian nomon per Via vorto.

³En la tago, kiam mi vokis, Vi aŭskultis min, Vi donis forton al mia animo.

⁴Gloros Vin, ho Eternulo, ĉiuj reĝoj de la tero, Ĉar ili aŭdis la vortojn de Via buŝo.

⁵Kaj ili prikantos la vojojn de la Eternulo; Ĉar granda estas la gloro de la Eternulo.

⁶Ĉar kvankam la Eternulo estas alte, tamen Li rigardas humilulon, Kaj fierulon Li rimarkas de malproksime.

⁷Kvankam mi iras meze de suferoj, tamen Vi konservas mian vivon; Kontraŭ la kolero de miaj malamikoj Vi etendas Vian brakon, Kaj Via dekstra mano min helpas.

⁸La Eternulo plenumos por mi. Ho Eternulo, Via boneco estas eterna; La kreitaĵojn de Viaj manoj ne forlasu.