Read La Sankta Biblio 1926 esparanto Psalmaro 14 Bible Online

Psalmaro 14 - La Sankta Biblio 1926 esparanto bible

Psalmaro 14

¹Al la ĥorestro. De David. La sensaĝulo diris en sia koro: Dio ne ekzistas. Ili sentaŭgiĝis, ili abomeniĝis pro siaj faroj; Ekzistas neniu, kiu faras bonon.

²La Eternulo el la ĉielo ekrigardis la homidojn, Por vidi, ĉu ekzistas prudentulo, kiu serĉas Dion.

³Ĉiuj devojiĝis, ĉiuj malvirtiĝis; Ekzistas neniu, faranta bonon, ne ekzistas eĉ unu.

⁴Ĉu ne prudentiĝos ĉiuj, kiuj faras malbonon, Kiuj manĝas mian popolon, kiel oni manĝas panon, Kaj kiuj ne vokas al la Eternulo?

⁵Tie ili forte ektimis, Ĉar Dio estas en la generacio de la justuloj.

⁶Vi malhonoris la konsilon de malriĉulo, Sed la Eternulo estas lia rifuĝejo.

⁷Ho, ke venu el Cion savo al Izrael! Kiam la Eternulo revenigos Sian forkaptitan popolon, Tiam triumfos Jakob kaj ĝojos Izrael.