Read La Sankta Biblio 1926 esparanto Psalmaro 23 Bible Online

Psalmaro 23 - La Sankta Biblio 1926 esparanto bible

Psalmaro 23

¹Psalmo de David. La Eternulo estas mia paŝtisto; mi mankon ne havos.

²Sur verdaj herbejoj Li ripozigas min, Apud trankvilaj akvoj Li kondukas min.

³Li kvietigas mian animon; Li kondukas min laŭ vojo de la vero, pro Sia nomo.

⁴Eĉ kiam mi iros tra valo de densa mallumo, Mi ne timos malbonon, ĉar Vi estas kun mi; Via bastono kaj apogiĝilo trankviligos min.

⁵Vi kovras por mi tablon antaŭ miaj malamikoj; Vi ŝmiris per oleo mian kapon, mia pokalo estas plenigita.

⁶Nur bono kaj favoro sekvos min en la daŭro de mia tuta vivo; Kaj mi restos en la domo de la Eternulo eterne.