Read La Sankta Biblio 1926 esparanto Psalmaro 29 Bible Online

Psalmaro 29 - La Sankta Biblio 1926 esparanto bible

Psalmaro 29

¹Psalmo de David. Tributu al la Eternulo, vi potenculoj, Tributu al la Eternulo honoron kaj forton.

²Tributu al la Eternulo la honoron de Lia nomo; Kliniĝu antaŭ la Eternulo en sankta ornamo.

³La voĉo de la Eternulo iras super la akvoj; La Dio de gloro tondras, La Eternulo super grandaj akvoj.

⁴La voĉo de la Eternulo iras kun forto, La voĉo de la Eternulo iras kun majesto.

⁵La voĉo de la Eternulo rompas cedrojn, La Eternulo rompas la cedrojn de Lebanon.

⁶Li saltigas ilin kiel bovidon, Lebanonon kaj Sirjonon kiel bubalidon.

⁷La voĉo de la Eternulo elhakas fajran flamon.

⁸La voĉo de la Eternulo skuas dezerton, La Eternulo skuas la dezerton Kadeŝ.

⁹La voĉo de la Eternulo igas cervinojn naski, kaj nudigas arbarojn; Kaj en Lia templo ĉio parolas pri Lia gloro.

¹⁰La Eternulo regis en la tempo de la diluvo, La Eternulo restos Reĝo eterne.

¹¹La Eternulo donos forton al Sia popolo, La Eternulo benos Sian popolon per paco.