Read La Sankta Biblio 1926 esparanto Psalmaro 46 Bible Online

Psalmaro 46 - La Sankta Biblio 1926 esparanto bible

Psalmaro 46

¹Al la ĥorestro. De la Koraĥidoj. Por sopranuloj. Kanto. Dio estas por ni rifuĝejo kaj forto, Helpo en mizeroj, rapide trovata.

²Tial ni ne timas, eĉ se pereus la tero Kaj la montoj falus en la internon de la maroj.

³Bruu, bolu Liaj akvoj, Tremu la montoj de ilia fiera ondado. Sela.

⁴Estas rivero, kies torentoj ĝojigas la urbon de Dio, La sanktan loĝejon de la Plejaltulo.

⁵Dio estas en ĝia mezo, ĝi ne ŝanceliĝos; Dio ĝin helpas en frua mateno.

⁶Ekbruis popoloj, ekŝanceliĝis regnoj; Li sonigis Sian voĉon, kaj la tero fandiĝis.

⁷La Eternulo Cebaot estas kun ni; Nia defendo estas la Dio de Jakob. Sela.

⁸Iru, rigardu la farojn de la Eternulo, Kiu faris detruojn sur la tero,

⁹Kiu ĉesigas militojn ĝis la fino de la tero, Rompas pafarkon, rompas ponardegon, Forbruligas veturilojn per fajro.

¹⁰Cedu, kaj sciu, ke Mi estas Dio; Mi estas glora inter la popoloj, Mi estas glora sur la tero.

¹¹La Eternulo Cebaot estas kun ni; Nia defendo estas la Dio de Jakob. Sela.