Read La Sankta Biblio 1926 esparanto Psalmaro 48 Bible Online

Psalmaro 48 - La Sankta Biblio 1926 esparanto bible

Psalmaro 48

¹Kanto-psalmo de la Koraĥidoj. Granda estas la Eternulo, Kaj tre glora en la urbo de nia Dio, Sur Lia sankta monto.

²Bela altaĵo, ĝojiga por la tuta tero Estas la monto Cion, en la norda regiono, La urbo de la granda Reĝo.

³Dio estas konata en ĝiaj palacoj, kiel rifuĝejo.

⁴Jen kolektiĝis la reĝoj, Sed ĉiuj kune foriris.

⁵Ili vidis kaj ekmiris, Konfuziĝis kaj forkuris.

⁶Teruro ilin atakis, Tremo, kiel ĉe akuŝantino.

⁷Per orienta vento Vi ruinigis la ŝipojn de Tarŝiŝ.

⁸Kion ni aŭdis, tion ni vidis En la urbo de la Eternulo Cebaot, en la urbo de nia Dio; Dio fortikigu ĝin por ĉiam! Sela.

⁹Ni meditis, ho Dio, pri Via boneco, Interne de Via templo.

¹⁰Kiel Via nomo, ho Dio, Tiel Via gloro estas en la finoj de la tero; Plena de justeco estas Via dekstra mano.

¹¹Ĝoju la monto Cion, Ĝoju la filinoj de Jehuda, Pro Via juĝoj.

¹²Iru ĉirkaŭ Cion kaj ĉirkaŭrigardu ĝin, Kalkulu ĝiajn turojn.

¹³Atentu ĝiajn fortikaĵojn, Vizitu ĝiajn palacojn, Por ke vi rakontu al estonta generacio.

¹⁴Ĉar jen estas Dio, nia Dio, por ĉiam kaj eterne; Li estos nia kondukanto ĝis la morto.