Read La Sankta Biblio 1926 esparanto Psalmaro 6 Bible Online

Psalmaro 6 - La Sankta Biblio 1926 esparanto bible

Psalmaro 6

¹Al la ĥorestro. Por kordaj instrumentoj, por basuloj. Psalmo de David. Ho Eternulo, ne en Via kolero min riproĉu, Kaj ne en Via furiozo min punu.

²Korfavoru min, ho Eternulo, ĉar mi senfortiĝis; Sanigu min, ho Eternulo, ĉar ektremis miaj ostoj.

³Kaj mia animo forte ektremis; Kaj Vi, ho Eternulo, ĝis kiam?

⁴Returnu Vin, ho Eternulo, savu mian animon; Helpu min pro Via favorkoreco.

⁵Ĉar en la morto ne ekzistas memoro pri Vi; En Ŝeol, kiu gloros Vin?

⁶Mi laciĝis de mia ĝemado; Ĉiun nokton mi priverŝas mian liton; Per miaj larmoj mi malsekigas mian kuŝejon.

⁷Sekiĝis de malĝojo mia vizaĝo, Maljuniĝis de ĉiuj miaj premantoj.

⁸Foriĝu de mi, ĉiuj, kiuj faras malbonon; Ĉar aŭdis la Eternulo la voĉon de mia ploro.

⁹Aŭdis la Eternulo mian peton; La Eternulo akceptos mian preĝon.

¹⁰Hontigitaj kaj tre teruritaj estos ĉiuj miaj malamikoj; Ili forturniĝos kaj tuj estos hontigitaj.