Read La Sankta Biblio 1926 esparanto Psalmaro 82 Bible Online

Psalmaro 82 - La Sankta Biblio 1926 esparanto bible

Psalmaro 82

¹Psalmo de Asaf. Dio stariĝis en Dia anaro; Inter la dioj Li juĝas.

²Ĝis kiam vi juĝos maljuste, Kaj privilegios la personojn de malvirtuloj? Sela.

³Estu justaj al malriĉulo kaj orfo; Rilate afliktiton kaj senhavulon estu virtaj.

⁴Liberigu malriĉulon kaj mizerulon; El la mano de malvirtulo ilin savu.

⁵Ili ne scias kaj ne komprenas, En mallumo ili marŝas; Ekŝanceliĝis ĉiuj fundamentoj de la tero.

⁶Mi diris: Vi estas dioj, Kaj ĉiuj vi estas filoj de la Plejaltulo;

⁷Sed vi mortos, kiel homoj, Kaj vi falos, kiel ĉiu el la potenculoj.

⁸Leviĝu, ho Dio, juĝu la teron; Ĉar Vi heredas ĉiujn popolojn.