Read La Sankta Biblio 1926 esparanto Jesaja 12 Bible Online

Jesaja 12 - La Sankta Biblio 1926 esparanto bible

Jesaja 12

¹En tiu tago vi diros: Mi dankas Vin, ho Eternulo; ĉar kvankam Vi koleris min, Via kolero jam foriĝis, kaj Vi konsolas min.

²Jen Dio estas mia savo: mi fidas, kaj mi ne timas; ĉar Dio, la Eternulo, estas mia forto kaj mia kanto, kaj Li fariĝis mia savo.

³Kaj vi ĉerpos kun ĝojo akvon el la fontoj de la savo.

⁴Kaj vi diros en tiu tago: Danku la Eternulon, voku Lian nomon, sciigu Liajn farojn inter la popoloj, memorigu, ke Lia nomo estas alta.

⁵Kantu al la Eternulo, ĉar majestaĵon Li faris; tio estu sciata sur la tuta tero.

⁶Ĝojkriu kaj kantu, loĝantino de Cion; ĉar granda estas inter vi la Sanktulo de Izrael.