Read La Sankta Biblio 1926 esparanto Josuo 12 Bible Online

Josuo 12 - La Sankta Biblio 1926 esparanto bible

Josuo 12

¹Kaj jen estas la reĝoj de la lando, kiujn venkobatis la Izraelidoj, kaj kies landon ili ekposedis transe de Jordan oriente, de la torento Arnon ĝis la monto Ĥermon, kaj la tutan stepon en la oriento:

²Siĥon, reĝo de la Amoridoj, kiu loĝis en Ĥeŝbon, kaj regis de Aroer, kiu troviĝas sur la bordo de la torento Arnon, la mezon de la valo, kaj duonon de Gilead, ĝis la torento Jabok, limo de la Amonidoj;

³kaj la stepon ĝis la maro Kinerot, oriente, kaj ĝis la maro de la stepo, la Sala Maro, oriente en la direkto al Bet-Jeŝimot, kaj sude la bazon de la deklivo de Pisga;

⁴kaj la regiono de Og, reĝo de Baŝan, restinto el la Rafaidoj, kiu loĝis en Aŝtarot kaj Edrei,

⁵kaj regis la monton Ĥermon kaj Salĥan kaj la tutan Baŝanon ĝis la limo de la Geŝuridoj kaj Maaĥatidoj, kaj duonon de Gilead ĝis la limo de Siĥon, reĝo de Ĥeŝbon.

⁶Moseo, servanto de la Eternulo, kaj la Izraelidoj venkobatis ilin; kaj Moseo, servanto de la Eternulo, donis la landon kiel posedaĵon al la Rubenidoj kaj al la Gadidoj kaj al la duontribo de Manase.

⁷Kaj jen estas la reĝoj de la lando, kiujn venkobatis Josuo kaj la Izraelidoj transe de Jordan, okcidente, de Baal-Gad en la valo de Lebanon, ĝis la monto Ĥalak, kiu leviĝas en la direkto al Seir; kaj Josuo donis ĝin al la triboj de Izrael kiel posedaĵon laŭ iliaj partoj;

⁸sur la monto kaj sur la malaltaĵo kaj en la stepo kaj sur la deklivoj kaj en la dezerto kaj sude, la Ĥetidoj, la Amoridoj, kaj la Kanaanidoj, la Perizidoj, la Ĥividoj, kaj la Jebusidoj:

⁹la reĝo de Jeriĥo, unu; la reĝo de Aj, kiu estas flanke de Bet-El, unu;

¹⁰la reĝo de Jerusalem, unu; la reĝo de Ĥebron, unu;

¹¹la reĝo de Jarmut, unu; la reĝo de Laĥiŝ, unu;

¹²la reĝo de Eglon, unu; la reĝo de Gezer, unu;

¹³la reĝo de Debir, unu; la reĝo de Geder, unu;

¹⁴la reĝo de Ĥorma, unu; la reĝo de Arad, unu;

¹⁵la reĝo de Libna, unu; la reĝo de Adulam, unu;

¹⁶la reĝo de Makeda, unu; la reĝo de Bet-El, unu;

¹⁷la reĝo de Tapuaĥ, unu; la reĝo de Ĥefer, unu;

¹⁸la reĝo de Afek, unu; la reĝo de Laŝaron, unu;

¹⁹la reĝo de Madon, unu; la reĝo de Ĥacor, unu;

²⁰la reĝo de Ŝimron-Meron, unu; la reĝo de Aĥŝaf, unu;

²¹la reĝo de Taanaĥ, unu; la reĝo de Megido, unu;

²²la reĝo de Kedeŝ, unu; la reĝo de Jokneam ĉe Karmel, unu;

²³la reĝo de Dor en Nafot-Dor, unu; la reĝo de la popoloj en Gilgal, unu;

²⁴la reĝo de Tirca, unu. La nombro de ĉiuj reĝoj estis tridek unu.