Read La Sankta Biblio, sen Ĉapelo esparanto 2 Samuel 20 Bible Online

2 Samuel 20 - La Sankta Biblio, sen Ĉapelo esparanto bible

2 Samuel 20

¹Trovigxis tie viro malbonaga, kies nomo estis Sxeba, filo de Bihxri, Benjamenido; li ekblovis per trumpeto, kaj diris: Ni ne havas parton en David, ni ne havas heredajxon en la filo de Jisxaj: iru, Izraelidoj, cxiu en sian tendon.

²Kaj cxiuj Izraelidoj foriris de David, kaj sekvis Sxeban, filon de Bihxri; sed la Judoj restis fidelaj al sia regxo, de Jordan gxis Jerusalem.

³Kiam David venis en sian domon en Jerusalem, la regxo prenis la dek kromvirinojn, kiujn li restigis, por gardi la domon, kaj metis ilin en gardejon; li donadis al ili vivrimedojn, sed li ne envenadis al ili. Kaj ili restis sxlositaj gxis la tago de sia morto, vivante kiel vidvinoj.

⁴Kaj la regxo diris al Amasa: Kunvoku al mi la Judojn por la tria tago, kaj vi ankaux venu cxi tien.

⁵Amasa iris, por kunvoki la Judojn; sed li malfruis la templimon, kiu estis destinita al li.

⁶Tiam David diris al Abisxaj: Nun Sxeba, filo de Bihxri, faros al ni pli da malbono, ol Absxalom; prenu do vi la servantojn de via sinjoro, kaj postkuru lin, por ke li ne trovu fortikigitajn urbojn kaj ne sxirmu sin kontraux niaj okuloj.

⁷Kaj eliris post li la viroj de Joab kaj la Keretidoj kaj la Peletidoj kaj cxiuj fortuloj; kaj ili eliris el Jerusalem, por postkuri Sxeban, filon de Bihxri.

⁸Kiam ili estis cxe la granda sxtono, kiu trovigxas en Gibeon, Amasa venis antaux ilin. Joab havis sur si striktan veston, kaj sur gxi estis zonita glavo, kiu pendis en la glavingo cxe lia lumbo kaj facile povis eliri kaj eniri.

⁹Kaj Joab diris al Amasa: Kiel vi fartas, mia frato? Kaj per la dekstra mano Joab prenis la barbon de Amasa, por kisi lin.

¹⁰Amasa ne atentis la glavon, kiu estis en la mano de Joab; kaj cxi tiu frapis lin per gxi en la ventron tiel, ke liaj internajxoj elsxutigxis sur la teron, kaj sen ripetita frapo li mortis. Poste Joab kaj lia frato Abisxaj postkuris Sxeban, filon de Bihxri.

¹¹Cxe la mortigito staris viro el la servantoj de Joab, kaj diris: Kiu amas Joabon kaj kiu estas por David, tiu sekvu Joabon.

¹²Amasa kusxis rulita en sango meze de la vojo. Kiam tiu viro vidis, ke cxiuj haltadis, li fortrenis Amasan de la vojo sur la kampon kaj jxetis sur lin veston, cxar li vidis, ke cxiu, kiu venis al li, haltis.

¹³Kiam li estis forigita for de la vojo, cxiuj iris post Joab, por postkuri Sxeban, filon de Bihxri.

¹⁴Cxi tiu trairis cxiujn tribojn de Izrael, gxis Abel kaj Bet-Maahxa, kaj cxiuj Beriidoj; kaj oni kolektigxis, kaj sekvis lin.

¹⁵Kaj ili venis, kaj eksiegxis lin en Abel-Bet-Maahxa, kaj sxutis cxirkaux la urbo remparon, kiu atingis la muron; kaj la tuta popolo, kiu estis kun Joab, komencis detrui, por faligi la muron.

¹⁶Tiam ekkriis unu sagxa virino el la urbo: Auxskultu, auxskultu; diru, mi petas, al Joab, ke li alproksimigxu cxi tien, por ke mi parolu kun li.

¹⁷Kiam li alproksimigxis al sxi, la virino diris: Cxu vi estas Joab? Li respondis: Mi. Kaj sxi diris al li: Auxskultu la vortojn de via sklavino. Li respondis: Mi auxskultas.

¹⁸Tiam sxi diris: En antauxaj tempoj oni diradis: Demandu la Abelanojn, kaj konforme al tio decidu.

¹⁹Mi estas unu el la pacemaj kaj fidelaj urboj de Izrael; vi volas ruinigi urbon kaj patrinon en Izrael; por kio vi volas ekstermi posedajxon de la Eternulo?

²⁰Tiam Joab respondis kaj diris: Mi tute, tute ne intencas ekstermi kaj ruinigi;

²¹ne tia estas la afero; sed unu viro de la monto de Efraim-Sxeba, filo de Bihxri, estas lia nomo-levis sian manon kontraux la regxon David; donu lin solan, kaj mi foriros de la urbo. Kaj la virino diris al Joab: Jen lia kapo estos jxetita al vi trans la muron.

²²Kaj la virino venis al la tuta popolo kun sia sagxa parolo; kaj ili dehakis la kapon de Sxeba, filo de Bihxri, kaj jxetis al Joab. Tiam li ekblovis per trumpeto, kaj oni foriris de la urbo cxiu al sia tendo; kaj Joab revenis Jerusalemon al la regxo.

²³Joab estis super la tuta militistaro de Izrael; kaj Benaja, filo de Jehojada, super la Keretidoj kaj la Peletidoj;

²⁴kaj Adoram super la impostoj; kaj Jehosxafat, filo de Ahxilud, estis kronikisto;

²⁵kaj Sxeva estis skribisto; kaj Cadok kaj Ebjatar estis pastroj;

²⁶ankaux Ira, la Jairano, estis pastro cxe David.