Read La Sankta Biblio, sen Ĉapelo esparanto 2 Samuel 3 Bible Online

2 Samuel 3 - La Sankta Biblio, sen Ĉapelo esparanto bible

2 Samuel 3

¹Kaj la milito estis longedauxra inter la domo de Saul kaj la domo de David. Sed David farigxadis cxiam pli forta, kaj la domo de Saul farigxadis cxiam pli malforta.

²Al David naskigxis filoj en Hxebron. Lia unuenaskito estis Amnon, de Ahxinoam, la Jizreelanino;

³lia dua filo estis Kilab, de Abigail, edzino de Nabal, la Karmelanino; la tria, Absxalom, de Maahxa, filino de Talmaj, regxo de Gesxur;

⁴la kvara, Adonija, filo de Hxagit; la kvina, Sxefatja, filo de Abital;

⁵la sesa, Jitream, de Egla, edzino de David. Cxi tiuj naskigxis al David en Hxebron.

⁶Dum la tempo, kiam estis milito inter la domo de Saul kaj la domo de David, Abner subtenadis la domon de Saul.

⁷Saul havis kromvirinon, kies nomo estis Ricpa, filino de Aja. Kaj Isx- Bosxet diris al Abner: Kial vi envenis al la kromvirino de mia patro?

⁸Tiam Abner forte ekkoleris pro la vortoj de Isx-Bosxet, kaj li diris: Cxu mi estas kapo de hundo, mi, kiu kontraux Jehuda faras favorkorajxon al la domo de via patro Saul, al liaj fratoj kaj al liaj amikoj, kaj ne transdonis vin en la manon de David? kaj vi riprocxas al mi hodiaux krimon pro la virino!

⁹Tiel kaj pli Dio punu Abneron, se mi ne agos konforme al tio, kiel la Eternulo jxuris al David;

¹⁰por forpreni la regnon de la domo de Saul, kaj starigi la tronon de David super Izrael kaj Jehuda, de Dan gxis Beer-Sxeba.

¹¹Kaj li ne povis plu respondi al Abner ecx unu vorton, cxar li timis lin.

¹²Tiam Abner sendis senditojn al David anstataux si, por diri: Al kiu apartenas la lando? faru vian interligon kun mi, kaj tiam mia mano estos kun vi, por turni al vi la tutan Izraelon.

¹³Kaj tiu diris: Bone, mi faros kun vi interligon; nur unu aferon mi petos de vi, nome: vi ne vidos mian vizagxon, se vi antauxe ne alkondukos al mi Mihxalon, filinon de Saul, kiam vi venos, por vidi mian vizagxon.

¹⁴Kaj David sendis senditojn al Isx-Bosxet, filo de Saul, por diri: Donu mian edzinon Mihxal, kiun mi edzinigis al mi per cent prepucioj de Filisxtoj.

¹⁵Tiam Isx-Bosxet sendis, kaj prenis sxin de la edzo, de Paltiel, filo de Laisx.

¹⁶Kaj sxia edzo iris kun sxi, ne cxesante plori pro sxi gxis Bahxurim; sed Abner diris al li: Iru returne; kaj li iris returne.

¹⁷Kaj Abner ekparolis kun la plejagxuloj de Izrael, dirante: Jam de longe vi volas havi Davidon kiel regxon super vi;

¹⁸nun faru do tion; cxar la Eternulo diris pri David jene: Per la mano de Mia servanto David Mi savos Mian popolon Izrael el la manoj de la Filisxtoj kaj el la manoj de cxiuj iliaj malamikoj.

¹⁹Ankaux al la oreloj de la Benjamenidoj Abner parolis. Kaj Abner ankaux iris, por diri al la oreloj de David en Hxebron cxion, kio placxas al la Izraelidoj kaj al la tuta domo de Benjamen.

²⁰Kiam Abner venis al David en Hxebronon kaj kun li dudek viroj, David faris por Abner kaj por liaj viroj festenon.

²¹Kaj Abner diris al David: Mi levigxos, kaj iros kaj kunvenigos al mia sinjoro la regxo la tutan Izraelon, por ke ili faru kun vi interligon, kaj por ke vi regxu super cxio, kiel deziros via animo. Kaj David forliberigis Abneron, kaj li iris en paco.

²²Sed jen la servantoj de David kaj Joab venis el batalo, kaj alportis kun si multe da militakiro; Abner tiam jam ne estis kun David en Hxebron, cxar cxi tiu forliberigis lin kaj li foriris en paco.

²³Kiam venis Joab kun la tuta militistaro, kiu estis kun li, oni sciigis al Joab, dirante: Abner, filo de Ner, venis al la regxo; kaj cxi tiu forliberigis lin kaj li iris en paco.

²⁴Tiam Joab venis al la regxo, kaj diris: Kion vi faris? jen Abner venis al vi; kial do vi forliberigis lin, ke li foriris?

²⁵Vi konas ja Abneron, filon de Ner; nur por tromplogi vin li venis, kaj por ekkoni cxiujn viajn elirojn kaj enirojn, kaj por ekscii cxion, kion vi faras.

²⁶Kaj Joab eliris de David kaj sendis senditojn post Abner, kaj ili revenigis lin de la puto Sira; kaj David ne sciis pri tio.

²⁷Kiam Abner revenis Hxebronon, Joab kondukis lin en la mezon de la pordego, por paroli kun li sekrete, kaj frapis lin tie en la ventron; kaj li mortis, pro la sango de lia frato Asahel.

²⁸Kiam David poste auxdis pri tio, li diris: Senkulpa estas mi kaj mia regno antaux la Eternulo por eterne pri la sango de Abner, filo de Ner.

²⁹Gxi falu sur la kapon de Joab kaj de lia tuta patrodomo; ne manku en la domo de Joab pusulo, nek leprulo, nek apoganta sin sur bastono, nek falanta de glavo, nek havanta mankon de pano.

³⁰Tiel Joab kaj lia frato Abisxaj mortigis Abneron pro tio, ke li mortigis Asahelon, ilian fraton, en Gibeon dum la batalo.

³¹Kaj David diris al Joab, kaj al la tuta popolo, kiu estis kun li: Dissxiru viajn vestojn kaj zonu vin per sakoj, kaj funebru pro Abner. Kaj la regxo David sekvis la mortintportilon.

³²Kaj oni enterigis Abneron en Hxebron; kaj la regxo levis sian vocxon kaj ploris super la tombo de Abner, kaj ploris la tuta popolo.

³³Kaj la regxo eldiris funebran parolon pri Abner, kaj diris: Cxu Abner devis morti tiel, kiel mortas malnoblulo?

³⁴Viaj manoj ne estis ligitaj, kaj viaj piedoj ne estis en katenoj; Vi falis, kiel oni falas de krimuloj. Kaj ankoraux pli ploris pro li la popolo.

³⁵Poste venis la tuta popolo, por igi Davidon mangxi, dum estis ankoraux tago; sed David jxuris, dirante: Tiel kaj pli punu min Dio, se mi antaux la sunsubiro gustumos panon aux ion ajn.

³⁶Kaj la tuta popolo tion komprenis; kaj tio placxis al gxi, tiel same, kiel cxio, kion faris la regxo, placxis al la tuta popolo.

³⁷Kaj eksciis en tiu tago la tuta popolo kaj la tuta Izrael, ke ne de la regxo tio venis, ke oni mortigis Abneron, filon de Ner.

³⁸Kaj la regxo diris al siaj servantoj: Cxu vi ne scias, ke princo kaj grandulo falis hodiaux en Izrael?

³⁹Sed mi hodiaux estas ankoraux malforta kaj apenaux sanktoleita kiel regxo, kaj tiuj homoj, la filoj de Ceruja, estas pli fortaj ol mi; la Eternulo repagu al la malbonaganto konforme al lia malbonago.