Read La Sankta Biblio, sen Ĉapelo esparanto 2 Regoj 2 Bible Online

2 Regoj 2 - La Sankta Biblio, sen Ĉapelo esparanto bible

2 Regoj 2

¹Kiam la Eternulo volis levi Elijan en ventego en la cxielon, Elija estis iranta kun Elisxa el Gilgal.

²Kaj Elija diris al Elisxa: Restu do cxi tie, cxar la Eternulo sendas min al Bet-El. Sed Elisxa diris: Mi jxuras per la Eternulo kaj per via animo, ke mi vin ne forlasos. Kaj ili ekiris al Bet-El.

³Kaj eliris la profetidoj, kiuj estis en Bet-El, al Elisxa, kaj diris al li: Cxu vi scias, ke hodiaux la Eternulo forprenos vian sinjoron de super via kapo? Li diris: Mi ankaux scias, silentu.

⁴Kaj Elija diris al li: Elisxa, restu do cxi tie, cxar la Eternulo sendas min al Jerihxo. Sed li diris: Mi jxuras per la Eternulo kaj per via animo, ke mi ne forlasos vin. Kaj ili venis en Jerihxon.

⁵Kaj la profetidoj, kiuj estis en Jerihxo, aliris al Elisxa, kaj diris al li: Cxu vi scias, ke hodiaux la Eternulo forprenos vian sinjoron de super via kapo? Li diris: Mi ankaux scias, silentu.

⁶Kaj Elija diris al li: Restu do cxi tie, cxar la Eternulo sendas min al Jordan. Sed li diris: Mi jxuras per la Eternulo kaj per via animo, ke mi vin ne forlasos. Kaj ili ambaux iris.

⁷Kaj kvindek homoj el la profetidoj iris kaj starigxis malproksime kontraux ili; sed ili ambaux staris cxe Jordan.

⁸Tiam Elija prenis sian mantelon kaj kunvolvis gxin, kaj frapis la akvon, kaj gxi dividigxis duflanken, kaj ili ambaux trapasis sur sekajxo.

⁹Kiam ili trapasis, Elija diris al Elisxa: Petu, kion mi faru al vi, antaux ol mi estos prenita for de vi. Kaj Elisxa diris: Duobla parto de via spirito estu do sur mi.

¹⁰Kaj tiu diris: Vi petas ion malfacilan; se vi vidos min, kiam mi estos prenata for de vi, estos al vi tiel; kaj se ne, tiam ne estos.

¹¹Dum ili estis irantaj kaj parolantaj, subite aperis fajra cxaro kaj fajraj cxevaloj kaj disigis ilin; kaj Elija en ventego suprenflugis en la cxielon.

¹²Elisxa vidis, kaj ekkriis: Mia patro, mia patro, cxaro de Izrael kaj liaj rajdistoj! Kaj li ne plu lin vidis. Kaj li kaptis siajn vestojn kaj dissxiris ilin en du pecojn.

¹³Kaj li levis la mantelon de Elija, kiu defalis de li, kaj reiris kaj starigxis sur la bordo de Jordan.

¹⁴Kaj li prenis la mantelon de Elija, kiu defalis de li, kaj frapis la akvon, kaj diris: Kie estas la Eternulo, Dio de Elija? Kaj li frapis la akvon, kaj gxi dividigxis duflanken, kaj Elisxa trapasis.

¹⁵Kiam la profetidoj, kiuj estis kontrauxe en Jerihxo, lin ekvidis, ili diris: La spirito de Elija transiris sur Elisxan. Kaj ili iris al li renkonte kaj adorklinigxis antaux li gxis la tero.

¹⁶Kaj ili diris al li: Jen kun viaj servantoj trovigxas kvindek homoj, viroj fortaj; ili iru kaj sercxu vian sinjoron; eble la spirito de la Eternulo forportis lin kaj jxetis lin sur unu el la montoj aux en unu el la valoj. Sed li diris: Ne sendu.

¹⁷Tamen ili insistis tiel longe, gxis li hontis, kaj li diris: Sendu. Kaj ili sendis kvindek homojn kaj sercxis dum tri tagoj, sed ne trovis lin.

¹⁸Kaj ili revenis al li, dum li estis en Jerihxo. Kaj li diris al ili: Mi diris ja al vi, ke vi ne iru.

¹⁹Kaj la logxantoj de tiu urbo diris al Elisxa: Jen do la logxado en cxi tiu urbo estas bona, kiel nia sinjoro vidas; sed la akvo estas malbona, kaj la tero estas senfrukta.

²⁰Tiam li diris: Alportu al mi novan pladon, kaj metu tien salon. Kaj oni alportis al li.

²¹Kaj li eliris al la fonto de la akvo kaj jxetis tien salon, kaj diris: Tiele diras la Eternulo: Mi resanigas cxi tiun akvon, gxi ne kauxzos plu morton nek senfruktecon.

²²Kaj la akvo farigxis sana gxis la nuna tempo, konforme al la vorto de Elisxa, kiun li diris.

²³Kaj li foriris de tie en Bet-Elon. Dum li estis iranta sur la vojo, malgrandaj knaboj eliris el la urbo kaj mokis lin, kaj parolis al li: Iru, kalvulo, iru, kalvulo!

²⁴Li returnis sin kaj ekvidis ilin, kaj malbenis ilin en la nomo de la Eternulo. Kaj eliris du ursinoj el la arbaro kaj dissxiris el ili kvardek du infanojn.

²⁵Kaj li iris de tie al la monto Karmel, kaj de tie li revenis en Samarion.