Read La Sankta Biblio, sen Ĉapelo esparanto 2 Regoj 4 Bible Online

2 Regoj 4 - La Sankta Biblio, sen Ĉapelo esparanto bible

2 Regoj 4

¹Unu virino el la edzinoj de la profetidoj plendis al Elisxa, dirante: Via servanto, mia edzo, mortis; kaj vi scias, ke via servanto estis timanta la Eternulon; nun la pruntedoninto venis, por preni miajn du infanojn kiel sklavojn por si.

²Kaj Elisxa diris al sxi: Kion mi povas fari por vi? diru al mi, kion vi havas en la domo? Sxi respondis: Via servantino havas en la domo nenion, krom krucxeto kun oleo.

³Tiam li diris: Iru, petu al vi vazojn ekstere, de cxiuj viaj najbaroj, vazojn malplenajn, kolektu ne malmulte.

⁴Kaj venu kaj sxlosu la pordon post vi kaj post viaj filoj, kaj enversxu en cxiujn tiujn vazojn, kaj, pleniginte, forstarigu ilin.

⁵Kaj sxi iris de li kaj sxlosis la pordon post si kaj post siaj filoj. Ili alportadis al sxi, kaj sxi versxadis.

⁶Kiam la vazoj estis plenaj, sxi diris al sia filo: Alportu al mi ankoraux vazon. Sed li diris al sxi: Ne estas plu vazo. Tiam la oleo haltis.

⁷Kaj sxi venis kaj rakontis al la homo de Dio. Kaj li diris al sxi: Iru, vendu la oleon kaj pagu vian sxuldon, kaj vi kun viaj filoj vivos per la restajxo.

⁸Unu tagon Elisxa venis Sxunemon; tie estis unu ricxa virino, kiu retenis lin, ke li mangxu cxe sxi. Kaj cxiufoje, kiam li venis, li iradis tien, por mangxi.

⁹Kaj sxi diris al sia edzo: Jen mi scias, ke li estas sankta homo de Dio, li, kiu cxiam preteriras antaux ni;

¹⁰ni faru malgrandan supran cxambreton, kaj ni metu tien por li liton kaj tablon kaj segxon kaj lumingon, kaj cxiufoje, kiam li venos al ni, li tien iru.

¹¹Unu tagon li venis tien, kaj li iris en la supran cxambreton kaj kusxigxis tie.

¹²Kaj li diris al sia junulo Gehxazi: Alvoku tiun Sxunemaninon. Kaj tiu vokis sxin, kaj sxi aperis antaux li.

¹³Kaj li diris al li: Diru al sxi: Jen vi prizorgis por ni cxion cxi tion; kion mi povas fari por vi? cxu vi bezonas ion diri al la regxo aux al la militestro? Sed sxi respondis: Mi logxas ja meze de mia popolo.

¹⁴Kaj li diris: Kion do ni povas fari por sxi? Tiam Gehxazi diris: Ho, sxi ne havas filon, kaj sxia edzo estas maljuna.

¹⁵Kaj li diris: Alvoku sxin. Kaj li vokis sxin, kaj sxi starigxis cxe la pordo.

¹⁶Kaj li diris: Post unu jaro en cxi tiu tempo vi enbrakigos filon. Kaj sxi diris: Ne, mia sinjoro, homo de Dio, ne mensogu al via servantino.

¹⁷Sed la virino gravedigxis, kaj naskis filon en la sekvanta jaro en la sama tempo, kiel diris al sxi Elisxa.

¹⁸La infano farigxis granda. Unu tagon li iris al sia patro, al la rikoltantoj.

¹⁹Kaj li diris al sia patro: Mia kapo, mia kapo! Kaj tiu diris al sia junulo: Portu lin al lia patrino.

²⁰Kaj li prenis lin kaj alportis lin al lia patrino; li sidis sur sxiaj genuoj gxis tagmezo, kaj mortis.

²¹Tiam sxi iris kaj metis lin sur la liton de la homo de Dio kaj sxlosis post li kaj eliris.

²²Kaj sxi vokis sian edzon, kaj diris: Sendu al mi unu el la junuloj kaj unu el la azeninoj, mi kuros al la homo de Dio kaj revenos.

²³Li diris: Por kio vi iras al li? hodiaux estas nek monatkomenco, nek sabato. Sed sxi diris: Estu trankvila.

²⁴Kaj sxi selis la azeninon, kaj diris al sia junulo: Konduku kaj iru, ne retenu min en la rajdado, gxis mi diros al vi.

²⁵Kaj sxi iris kaj venis al la homo de Dio, sur la monton Karmel. Kiam la homo de Dio sxin ekvidis de malproksime, li diris al sia junulo Gehxazi: Jen estas tiu Sxunemanino;

²⁶kuru do al sxi renkonte, kaj diru al sxi: Kiel vi fartas? kiel fartas via edzo? kiel fartas la infano? Sxi diris: Ni fartas bone.

²⁷Kaj sxi aliris al la homo de Dio sur la monton kaj ekkaptis liajn piedojn. Gehxazi aliris, por forpusxi sxin; sed la homo de Dio diris: Lasu sxin, cxar sxia animo estas afliktita; kaj la Eternulo kasxis antaux mi kaj ne sciigis al mi.

²⁸Kaj sxi diris: Cxu mi petis filon de mia sinjoro? cxu mi ne diris: Ne trompu min?

²⁹Kaj li diris al Gehxazi: Zonu viajn lumbojn, kaj prenu en vian manon mian bastonon kaj iru. Se vi renkontos iun, ne salutu lin; kaj se iu vin salutos, ne respondu al li. Kaj metu mian bastonon sur la vizagxon de la knabo.

³⁰Sed la patrino de la knabo diris: Mi jxuras per la Eternulo kaj per via animo, ke mi vin ne forlasos. Kaj li levigxis, kaj iris post sxi.

³¹Gehxazi iris antaux ili, kaj li metis la bastonon sur la vizagxon de la knabo; sed ne aperis vocxo nek sento. Kaj li revenis renkonte al li, kaj sciigis al li, dirante: La knabo ne vekigxis.

³²Tiam Elisxa eniris en la domon, kaj vidis, ke la mortinta infano estas kusxigita sur lia lito.

³³Kaj li eniris kaj sxlosis la pordon post ili ambaux, kaj ekpregxis al la Eternulo.

³⁴Kaj li iris kaj kusxigxis sur la infano, kaj almetis sian busxon al lia busxo kaj siajn okulojn al liaj okuloj kaj siajn manojn al liaj manoj, kaj etendis sin sur li. Kaj la korpo de la infano varmigxis.

³⁵Kaj li relevigxis kaj iris en la domo tien kaj reen, kaj venis kaj etendis sin sur la infano. Kaj la knabo ternis sep fojojn, kaj la knabo malfermis siajn okulojn.

³⁶Tiam li vokis Gehxazin, kaj diris: Alvoku tiun Sxunemaninon. Kaj li vokis sxin, kaj sxi venis al li, kaj li diris: Prenu vian filon.

³⁷Kaj sxi venis kaj jxetis sin al liaj piedoj kaj adorklinigxis gxis la tero; kaj sxi prenis sian filon kaj eliris.

³⁸Elisxa reiris Gilgalon. Estis malsato en la lando; kaj la profetidoj sidis antaux li. Kaj li diris al sia junulo: Starigu la grandan kaldronon kaj kuiru supon por la profetidoj.

³⁹Sed unu el ili eliris sur la kampon, por kolekti verdajxon; kaj li trovis sovagxan volvokreskajxon kaj kolektis de gxi kolocintojn, plenan sian veston. Kaj li venis kaj trancxis ilin en la kaldronon kun la supo, cxar ili ne sciis, kio tio estas.

⁴⁰Kaj ili elversxis al la homoj, por mangxi. Sed kiam tiuj ekmangxis el la supo, ili ekkriis kaj diris: Morto estas en la kaldrono, ho homo de Dio! Kaj ili ne povis mangxi.

⁴¹Tiam li diris: Alportu farunon. Kaj li ensxutis en la kaldronon, kaj diris: Versxu al la homoj, ke ili mangxu. Kaj jam estis nenio malbona en la kaldrono.

⁴²Venis homo el Baal-Sxalisxa, kaj alportis al la homo de Dio unuaajxon de pano: dudek hordeajn panojn kaj fresxajn grajnojn en sia saketo. Kaj cxi tiu diris: Donu al la homoj, ke ili mangxu.

⁴³Lia servanto diris: Kiel mi povas tion doni al cent homoj? Sed li diris: Donu al la homoj, ke ili mangxu; cxar tiele diras la Eternulo: Oni mangxos, kaj ankoraux iom restos.

⁴⁴Kaj li donis al ili, kaj ili mangxis, kaj iom ankoraux restis, konforme al la vorto de la Eternulo.