Read La Sankta Biblio, sen Ĉapelo esparanto 1 Kroniko 14 Bible Online

1 Kroniko 14 - La Sankta Biblio, sen Ĉapelo esparanto bible

1 Kroniko 14

¹Hxiram, regxo de Tiro, sendis al David senditojn, kaj cedran lignon, kaj masonistojn kaj cxarpentistojn, por ke ili konstruu por li domon.

²Kaj David konsciis, ke la Eternulo fortikigis lin kiel regxon super Izrael, ke lia regno levigxis alte pro Lia popolo Izrael.

³Kaj David prenis ankoraux edzinojn en Jerusalem, kaj David naskigis ankoraux filojn kaj filinojn.

⁴Kaj jen estas la nomoj de tiuj, kiuj naskigxis al li en Jerusalem: Sxamua kaj Sxobab, Natan kaj Salomono

⁵kaj Jibhxar kaj Elisxua kaj Elpelet

⁶kaj Noga kaj Nefeg kaj Jafia

⁷kaj Elisxama kaj Beeljada kaj Elifelet.

⁸Kiam la Filisxtoj auxdis, ke David estas oleita kiel regxo super la tuta Izrael, tiam cxiuj Filisxtoj iris, por sercxi Davidon. David auxdis pri tio, kaj li eliris kontraux ilin.

⁹Kaj la Filisxtoj venis kaj okupis la valon Refaim.

¹⁰Kaj David demandis Dion, dirante: Cxu mi iru kontraux la Filisxtojn? kaj cxu Vi transdonos ilin en mian manon? Kaj la Eternulo diris al li: Iru, cxar Mi transdonos ilin en vian manon.

¹¹Kaj ili iris al Baal-Peracim, kaj David venkobatis ilin tie. Kaj David diris: Dio disbatis miajn malamikojn per mia mano, kiel oni disbatas akvon. Tial oni donis al tiu loko la nomon Baal-Peracim.

¹²Kaj ili lasis tie siajn diojn; kaj David ordonis, ke oni forbruligu ilin per fajro.

¹³Kaj denove venis la Filisxtoj kaj okupis la valon.

¹⁴Tiam David denove demandis Dion, kaj Dio diris al li: Ne iru post ili, deturnu vin de ili, kaj venu al ili de la flanko de la morusarboj;

¹⁵kaj kiam vi ekauxdos la sonon de pasxoj sur la supro de la morusarboj, tiam komencu la batalon; cxar Dio eliris antaux vi, por frapi la tendaron de la Filisxtoj.

¹⁶Kaj David faris, kiel ordonis al li Dio; kaj ili venkobatis la tendaron de la Filisxtoj de Gibeon gxis Gezer.

¹⁷Kaj la nomo de David farigxis fama en cxiuj landoj; kaj la Eternulo faris lin timata de cxiuj nacioj.