Read La Sankta Biblio, sen Ĉapelo esparanto 1 Kroniko 16 Bible Online

1 Kroniko 16 - La Sankta Biblio, sen Ĉapelo esparanto bible

1 Kroniko 16

¹Kaj oni alportis la keston de Dio, kaj metis gxin interne de la tendo, kiun David starigis por gxi; kaj oni alportis bruloferojn kaj pacoferojn antaux Dion.

²Kiam David finis la oferadon de la bruloferoj kaj de la pacoferoj, li benis la popolon en la nomo de la Eternulo.

³Kaj li disdonis al cxiuj Izraelidoj, kiel al la viroj, tiel ankaux al la virinoj, al cxiu po unu bulo da pano, po unu porcio da viando, kaj po unu peniko da sekvinberoj.

⁴Kaj li starigis antaux la kesto de la Eternulo el la Levidoj servantojn, por kantadi gloron, dankon, kaj lauxdon al la Eternulo, Dio de Izrael:

⁵la cxefo estis Asaf, la dua estis Zehxarja, poste Jeiel, Sxemiramot, Jehxiel, Matitja, Eliab, Benaja, Obed-Edom, kaj Jeiel, kun psalteroj kaj harpoj, kaj Asaf sonigadis per cimbaloj;

⁶Benaja kaj Jahxaziel, la pastroj, estis kun trumpetoj cxiam antaux la kesto de interligo de Dio.

⁷Tiam, en tiu tago, David la unuan fojon arangxis dankokanton al la Eternulo per Asaf kaj liaj fratoj:

⁸Gloru la Eternulon, voku Lian nomon; Sciigu inter la popoloj Liajn farojn.

⁹Kantu al Li, muziku al Li; Parolu pri cxiuj Liaj mirakloj.

¹⁰Lauxdu Lian sanktan nomon; Gxoju la koro de tiuj, kiuj sercxas la Eternulon.

¹¹Turnu vin al la Eternulo kaj al Lia potenco; Sercxu cxiam Lian vizagxon.

¹²Memoru Liajn miraklojn, kiujn Li faris; Liajn signomiraklojn kaj la jugxojn de Lia busxo;

¹³Vi, semo de Izrael, Lia sklavo, Filoj de Jakob, Liaj elektitoj.

¹⁴Li estas la Eternulo, nia Dio; Sur la tuta tero estas Liaj jugxoj.

¹⁵Memoru eterne Lian interligon, La vorton, kiun Li testamentis por mil generacioj,

¹⁶Kiun Li interkonsentis kun Abraham Kaj jxuris al Isaak.

¹⁷Li metis gxin por Jakob kiel legxon, Por Izrael kiel eternan interligon,

¹⁸Dirante: Al vi Mi donos la landon Kanaanan Kiel vian parton heredan.

¹⁹Kiam vi estis malgrandnombraj, Malmultaj, kaj fremduloj en gxi,

²⁰Kaj ili iradis de popolo al popolo, El unu regno al alia gento,

²¹Tiam Li al neniu permesis premi ilin, Kaj Li punis pro ili regxojn;

²²Dirante: Ne tusxu Miajn sanktoleitojn, Kaj al Miaj profetoj ne faru malbonon.

²³Kantu al la Eternulo la tuta tero; Proklamu de tago al tago Lian savon.

²⁴Rakontu inter la popoloj Lian gloron, Inter cxiuj gentoj Liajn miraklojn.

²⁵Cxar la Eternulo estas granda kaj tre glorinda; Li estas timinda super cxiuj dioj;

²⁶Cxar cxiuj dioj de la popoloj estas idoloj; Sed la Eternulo kreis la cxielon.

²⁷Gloro kaj majesto estas antaux Li; Forto kaj beleco estas sur Lia loko.

²⁸Tributu al la Eternulo, familioj de la popoloj; Tributu al la Eternulo gloron kaj potencon.

²⁹Tributu al la Eternulo honoron de Lia nomo; Alportu donacon, kaj venu antaux Lin; Adorklinigxu antaux la Eternulo en sankta ornamo.

³⁰Tremu antaux Li la tuta tero; Li arangxis ja la mondon, ke gxi ne sxanceligxu.

³¹Gxoju la cxielo, kaj estu gaja la tero; Kaj oni diru inter la nacioj: La Eternulo regxas.

³²Bruu la maro, kaj cxio, kio gxin plenigas; Gxoju la kampo, kaj cxio, kio estas sur gxi.

³³Tiam kantu cxiuj arboj de la arbaro antaux la Eternulo, Cxar Li venas, por jugxi la teron.

³⁴Lauxdu la Eternulon, cxar Li estas bona; Cxar eterna estas Lia favorkoreco.

³⁵Kaj diru: Savu nin, ho Dio de nia savo, Kolektu nin kaj liberigu nin el inter la nacioj, Por ke ni danku Vian sanktan nomon, Por ke ni gloru nin per Via majesto.

³⁶Benata estu la Eternulo, Dio de Izrael, De eterne gxis eterne. Kaj la tuta popolo diris: Amen! kaj gloro al la Eternulo!

³⁷Kaj li restigis tie antaux la kesto de interligo de la Eternulo Asafon kaj liajn fratojn, por servadi antaux la kesto konstante, laux la ordo de cxiu tago;

³⁸kaj Obed-Edomon kaj liajn fratojn, sesdek ok; Obed-Edom, filo de Jedutun, kaj Hxosa, restis kiel pordegistoj;

³⁹kaj la pastron Cadok kaj liajn fratojn, la pastrojn, antaux la logxejo de la Eternulo sur la altajxo en Gibeon,

⁴⁰por ke ili alportadu bruloferojn al la Eternulo sur la altaro de bruloferoj konstante, matene kaj vespere, kaj por cxio, kio estas skribita en la instruo de la Eternulo, kiun Li donis al Izrael.

⁴¹Kaj kun ili estis Heman kaj Jedutun, kaj la aliaj elektitoj, difinitaj lauxnome, por kantadi lauxdon al la Eternulo, cxar eterna estas Lia favorkoreco;

⁴²kun ili estis Heman kaj Jedutun, kun trumpetoj kaj cimbaloj kaj aliaj instrumentoj por kantado antaux Dio; kaj la filoj de Jedutun estis cxe la pordego.

⁴³Kaj la tuta popolo disiris cxiu en sian domon; kaj David iris returne, por beni sian domon.