Read La Sankta Biblio, sen Ĉapelo esparanto Ester 7 Bible Online

Ester 7 - La Sankta Biblio, sen Ĉapelo esparanto bible

Ester 7

¹La regxo kaj Haman venis, por festeni cxe la regxino Ester.

²Kaj ankaux en la dua tago, dum la trinkado de vino, la regxo diris al Ester: Kion vi petas, ho regxino Ester? tio estos donita al vi; kaj kia estas via deziro? gxis duono de la regno gxi estos plenumita.

³Tiam la regxino Ester respondis kaj diris: Se mi trovis favoron en viaj okuloj, ho regxo, kaj se al la regxo placxas, tiam mia vivo estu donacita al mi laux mia peto, kaj mia popolo laux mia deziro;

⁴cxar ni estas venditaj, mi kaj mia popolo, por ekstermo, mortigo, kaj pereigo. Se ni almenaux estus venditaj nur por esti sklavoj kaj sklavinoj, mi silentus, kvankam la malamiko ne kompensus la malprofiton de la regxo.

⁵Tiam la regxo Ahxasxverosx diris al la regxino Ester: Kiu li estas kaj kie li estas, tiu, kiu prenis en sian koron la kuragxon agi tiel?

⁶Kaj Ester respondis: La malamanto kaj malamiko estas cxi tiu malbona Haman. Kaj Haman ektremis antaux la regxo kaj la regxino.

⁷La regxo levigxis kolere de la vintrinkado, kaj iris en la gxardenon de la palaco; sed Haman restis, por peti pri sia vivo la regxinon Ester, cxar li vidis, ke la regxo destinis por li malbonan sorton.

⁸Kiam la regxo revenis el la palaca gxardeno en la cxambron de la festeno, Haman estis falinta sur la litbenkon, sur kiu sidis Ester. Tiam la regxo diris: Ecx perforti la regxinon li volas cxe mi en la domo! La vorto eliris el la busxo de la regxo, kaj oni kovris al Haman la vizagxon.

⁹Hxarbona, unu el la euxnukoj antaux la regxo, diris: Jen ecx la arbo, kiun Haman pretigis por Mordehxaj, kiu parolis bonon por la regxo, staras en la domo de Haman; gxi havas la alton de kvindek ulnoj. Tiam la regxo diris: Pendigu lin sur gxi.

¹⁰Kaj oni pendigis Hamanon sur la arbo, kiun li pretigis por Mordehxaj. Kaj la kolero de la regxo kvietigxis.