Read La Sankta Biblio, sen Ĉapelo esparanto Eliro 6 Bible Online

Eliro 6 - La Sankta Biblio, sen Ĉapelo esparanto bible

Eliro 6

¹Sed la Eternulo diris al Moseo: Nun vi vidos, kion Mi faros al Faraono; cxar pro mano forta li foririgos ilin kaj pro mano forta li elpelos ilin el sia lando.

²Kaj Dio ekparolis al Moseo kaj diris al li: Mi estas la ETERNULO.

³Mi aperis al Abraham, al Isaak, kaj al Jakob kiel Dio la Plejpotenca, sed Mian nomon ETERNULO Mi ne sciigis al ili.

⁴Mi starigis Mian interligon kun ili, ke Mi donos al ili la landon Kanaanan, la landon de ilia migrado, en kiu ili logxis kiel fremduloj.

⁵Kaj Mi auxdis la gxemadon de la Izraelidoj, kiujn la Egiptoj premas per laboroj, kaj Mi rememoris Mian interligon.

⁶Tial diru al la Izraelidoj: Mi estas la Eternulo, kaj Mi elirigos vin el sub la jugo de Egiptujo, kaj Mi liberigos vin el ilia sklaveco, kaj Mi savos vin per etendita brako kaj grandaj jugxoj.

⁷Kaj Mi prenos vin kiel Mian popolon, kaj Mi estos via Dio; kaj vi scios, ke Mi estas la Eternulo, via Dio, kiu elirigas vin el sub la jugo de Egiptujo.

⁸Kaj Mi venigos vin en la landon, pri kiu Mi, levinte Mian manon, promesis, ke Mi donos gxin al Abraham, al Isaak, kaj al Jakob, kaj Mi donos gxin al vi kiel posedajxon, Mi, la Eternulo.

⁹Moseo parolis tiel al la Izraelidoj; sed ili ne auxskultis Moseon pro malforteco de spirito kaj pro la malfacilaj laboroj.

¹⁰Kaj la Eternulo ekparolis al Moseo, dirante:

¹¹Eniru, diru al Faraono, la regxo de Egiptujo, ke li ellasu la Izraelidojn el sia lando.

¹²Moseo ekparolis antaux la Eternulo, dirante: Jen la Izraelidoj ne auxskultas min, kiel do min auxskultos Faraono? kaj mi havas nelertajn lipojn.

¹³Sed la Eternulo ekparolis al Moseo kaj al Aaron, kaj donis al ili ordonojn por la Izraelidoj, kaj por Faraono, regxo de Egiptujo, por elirigi la Izraelidojn el la lando Egipta.

¹⁴Jen estas la cxefoj de iliaj familioj: la filoj de Ruben, unuenaskito de Izrael: Hxanohx kaj Palu, Hxecron kaj Karmi. Tio estas la familioj de Ruben.

¹⁵Kaj la filoj de Simeon: Jemuel kaj Jamin kaj Ohad kaj Jahxin kaj Cohxar, kaj Sxaul, filo de Kanaanidino. Tio estas la familioj de Simeon.

¹⁶Kaj jen estas la nomoj de la filoj de Levi laux ilia naskigxo: Gersxon kaj Kehat kaj Merari. La dauxro de la vivo de Levi estis cent tridek sep jaroj.

¹⁷La filoj de Gersxon: Libni kaj Sximei, kun iliaj familioj.

¹⁸Kaj la filoj de Kehat: Amram kaj Jichar kaj Hxebron kaj Uziel. La dauxro de la vivo de Kehat estis cent tridek tri jaroj.

¹⁹Kaj la filoj de Merari: Mahxli kaj Musxi. Tio estas la familioj de Levi laux ilia naskigxo.

²⁰Amram prenis al si sian onklinon Johxebed kiel edzinon, kaj sxi naskis al li Aaronon kaj Moseon. La dauxro de la vivo de Amram estis cent tridek sep jaroj.

²¹Kaj la filoj de Jichar: Korahx kaj Nefeg kaj Zihxri.

²²Kaj la filoj de Uziel: Misxael kaj Elcafan kaj Sitri.

²³Aaron prenis al si Elisxeban, filinon de Aminadab kaj fratinon de Nahxsxon, kiel edzinon, kaj sxi naskis al li Nadabon kaj Abihun, Eleazaron kaj Itamaron.

²⁴Kaj la filoj de Korahx: Asir kaj Elkana kaj Abiasaf. Tio estas la familioj de la Korahxidoj.

²⁵Eleazar, la filo de Aaron, prenis al si edzinon el la filinoj de Putiel, kaj sxi naskis al li Pinehxason. Tio estas la cxefoj de la Leviidoj laux iliaj familioj.

²⁶Tio estas tiuj Aaron kaj Moseo, al kiuj la Eternulo diris: Elirigu la Izraelidojn el la lando Egipta laux iliaj tacxmentoj.

²⁷Tio estas ili, kiuj parolis al Faraono, regxo de Egiptujo, por elirigi la Izraelidojn el Egiptujo; tio estas Moseo kaj Aaron.

²⁸En tiu tago, kiam la Eternulo parolis al Moseo en la lando Egipta,

²⁹la Eternulo diris al Moseo jene: Mi estas la Eternulo. Diru al Faraono, regxo de Egiptujo, cxion, kion Mi diras al vi.

³⁰Kaj Moseo diris antaux la Eternulo: Jen mi havas nelertajn lipojn; kiel do Faraono min auxskultos?