Read La Sankta Biblio, sen Ĉapelo esparanto Ijob 13 Bible Online

Ijob 13 - La Sankta Biblio, sen Ĉapelo esparanto bible

Ijob 13

¹Cxion cxi tion mia okulo vidis, Mia orelo auxdis kaj komprenis.

²Kion vi scias, mi ankaux scias; Kaj mi ne estas malpli valora ol vi.

³Sed mi volus paroli kun la Plejpotenculo, Mi dezirus disputi kun Dio.

⁴Tamen vi komentarias malvere, Vi cxiuj estas senutilaj kuracistoj.

⁵Ho, se vi silentus, Tio estus sagxeco de via flanko.

⁶Auxskultu do mian moralinstruon, Kaj atentu la defendan parolon de mia busxo.

⁷Cxu pro Dio vi volas paroli malveron, Kaj pro Li paroli falsajxon?

⁸Cxu vi volas esti personfavoraj al Li, Aux pro Dio vi volas disputi?

⁹Cxu estos bone, kiam Li esploros vin? Cxu vi volas trompi Lin, kiel oni trompas homon?

¹⁰Li certe vin punos, Se vi sekrete estos personfavoraj.

¹¹Cxu Lia majesto ne konfuzas vin? Cxu ne falas sur vin timo antaux Li?

¹²Viaj memorigoj estas sentencoj polvaj, Via bastionoj estas amasoj da argilo.

¹³Silentu antaux mi, kaj parolos mi, Kio ajn trafos min.

¹⁴Por kio mi portu mian karnon en miaj dentoj Kaj metu mian animon en mian manon?

¹⁵Li ja mortigos min, kaj mi ne havas esperon; Sed pri mia konduto mi volas disputi antaux Li.

¹⁶Tio jam estos savo por mi, Cxar ne hipokritulo venos antaux Lin.

¹⁷Auxskultu mian parolon Kaj mian klarigon antaux viaj oreloj.

¹⁸Jen mi pretigis jugxan aferon; Mi scias, ke mi montrigxos prava.

¹⁹Kiu povas procesi kontraux mi? Tiam mi eksilentus kaj mortus.

²⁰Nur du aferojn ne faru al mi, Tiam mi ne kasxos min antaux Via vizagxo:

²¹Malproksimigu de mi Vian manon, Kaj Via teruro ne timigu min.

²²Tiam voku, kaj mi respondos; Aux mi parolos, kaj Vi respondu al mi.

²³Kiom da malbonagoj kaj pekoj estas sur mi? Sciigu al mi miajn krimojn kaj pekojn.

²⁴Kial Vi kasxas Vian vizagxon Kaj rigardas min kiel Vian malamikon?

²⁵Cxu Vi volas montri Vian forton kontraux desxirita folio? Kaj cxu sekigxintan pajleron Vi volas persekuti?

²⁶Cxar Vi skribas kontraux mi maldolcxajxon Kaj venigas sur min la pekojn de mia juneco.

²⁷Vi metis miajn piedojn en sxtipon, Vi observas cxiujn miajn vojojn, Kaj Vi observas la plandojn de miaj piedoj;

²⁸Dum mi ja disfalas kiel putrajxo, Kiel vesto dismangxita de tineoj.