Read La Sankta Biblio, sen Ĉapelo esparanto Ijob 16 Bible Online

Ijob 16 - La Sankta Biblio, sen Ĉapelo esparanto bible

Ijob 16

¹Ijob respondis kaj diris:

²Mi auxdis multe da similaj aferoj; Tedaj konsolantoj vi cxiuj estas.

³Cxu estos fino al la ventaj vortoj? Kaj kio vin incitis, ke vi tiel parolas?

⁴Mi ankaux povus paroli, kiel vi. Se vi estus sur mia loko, Mi konsolus vin per vortoj Kaj balancus pri vi mian kapon.

⁵Mi fortigus vin per mia busxo Kaj konsolus vin per paroloj de miaj lipoj.

⁶Se mi parolos, mia doloro ne kvietigxos; Se mi cxesos, kio foriros de mi?

⁷Sed nun Li lacigis min, Li detruis mian tutan esencon.

⁸Vi faris al mi sulkojn, tio farigxis atesto; Mia senfortigxo staras antaux mia vizagxo, kaj parolas.

⁹Lia kolero dissxiras; Mia malamanto grincigas kontraux mi siajn dentojn; Mia premanto briligas kontraux mi siajn okulojn.

¹⁰Ili malfermegis kontraux mi sian busxon, insulte batas min sur la vangojn; Cxiuj kune kontentigis sur mi sian koleron.

¹¹Dio transdonis min al maljustulo, Jxetis min en la manojn de malbonuloj.

¹²Mi estis trankvila; sed Li frakasis min, Li kaptis min je la kolo, disbatis min, Kaj Li faris min por Si celo.

¹³Liaj pafistoj min cxirkauxis; Li dishakas miajn internajxojn kaj ne kompatas, Li elversxas sur la teron mian galon.

¹⁴Li faras en mi brecxon post brecxo, Li kuras kontraux min kiel batalisto.

¹⁵Sakajxon mi kudris sur mian korpon, Kaj en polvo mi kasxis mian kornon.

¹⁶Mia vizagxo sxvelis de plorado, Kaj sur miaj palpebroj estas morta ombro;

¹⁷Kvankam ne trovigxas perfortajxo en miaj manoj, Kaj mia pregxo estas pura.

¹⁸Ho tero, ne kovru mian sangon, Kaj mia kriado ne trovu haltejon.

¹⁹Vidu, en la cxielo estas mia atestanto, Kaj mia konanto estas en la altaj sferoj.

²⁰Parolistoj estas por mi miaj amikoj; Sed mia okulo larmas al Dio,

²¹Ke Li decidu inter homo kaj Dio, Inter homo kaj lia amiko.

²²Cxar la nombro de la jaroj pasos, Kaj mi iros sur vojon nereveneblan.