Read La Sankta Biblio, sen Ĉapelo esparanto Ijob 17 Bible Online

Ijob 17 - La Sankta Biblio, sen Ĉapelo esparanto bible

Ijob 17

¹Mia spirito senfortigxis, miaj tagoj mallongigxis, Tomboj estas antaux mi.

²Mokado min cxirkauxas; En aflikto pro tio restas mia okulo.

³Estu Vi mem mia garantianto antaux Vi; Alie kiu donos la manon pro mi?

⁴Cxar ilian koron Vi kovris kontraux prudento; Tial Vi ne donos al ili triumfon.

⁵Se iu fanfaronas antaux siaj amikoj pri sia parto, La okuloj de liaj infanoj konsumigxos.

⁶Li faris min proverbo por la popoloj; Kaj mi farigxis homo, al kiu oni kracxas en la vizagxon.

⁷Mia okulo mallumigxis de cxagreno, Kaj cxiuj miaj membroj farigxis kiel ombro.

⁸La justuloj eksentos teruron pro tio, Kaj la senkulpulo ekscitigxos kontraux la hipokritulo.

⁹Tamen la virtulo forte konservos sian vojon, Kaj la purmanulo pli firmigxos.

¹⁰Kaj kiom ajn vi cxiuj revenos, Mi ne trovos inter vi sagxulon.

¹¹Miaj tagoj forpasis, pereis miaj intencoj, Kiujn havis mia koro.

¹²La nokton ili volas fari tago, La lumon alproksimigi al la mallumo.

¹³Se mi atendas, tamen Sxeol estas mia domo, En la mallumo estas pretigita mia lito.

¹⁴Al la kavo mi diras: Vi estas mia patro; La vermojn mi nomas mia patrino kaj mia fratino.

¹⁵Kion mi devas atendi? Kiu atentos mian esperon?

¹⁶En la profundon de Sxeol gxi malsupreniros, Ni ambaux kune kusxos en la polvo.