Read La Sankta Biblio, sen Ĉapelo esparanto Ijob 18 Bible Online

Ijob 18 - La Sankta Biblio, sen Ĉapelo esparanto bible

Ijob 18

¹Ekparolis Bildad, la Sxuhxano, kaj diris:

²Kiam vi cxesos jxetadi vortojn? Pripensu, kaj poste ni parolos.

³Kial ni estu rigardataj kiel brutoj, Kaj ni estu malpuruloj en viaj okuloj?

⁴Ho vi, kiu dissxiras sian animon en sia kolero, Cxu por vi estu forlasata la tero, Kaj roko forsxovigxu de sia loko?

⁵La lumo de la malpiulo estingigxos, Kaj ne brilos la flamo de lia fajro.

⁶La lumo mallumigxos en lia tendo, Kaj lia lucerno super li estingigxos.

⁷Mallongigxos liaj fortaj pasxoj, Kaj lia propra intenco lin faligos.

⁸Cxar li trafis per siaj piedoj en reton, Kaj li movigxas en kaptilo.

⁹La masxo enkrocxigos lian kalkanon, Kaj pereo lin atakos.

¹⁰Kasxita en la tero estas lia falilo, Kaj kaptiloj kontraux li estas sur la vojo.

¹¹De cxiuj flankoj timigos lin teruroj Kaj atakos liajn piedojn.

¹²Malsato konsumos lian forton, Kaj pereo estas preparita por liaj flankoj.

¹³Konsumigxos la membroj de lia korpo, Liajn membrojn konsumos la unuenaskito de la morto.

¹⁴Lia espero estos elsxirita el lia tendo, Kaj gxi pelos lin al la regxo de teruroj.

¹⁵Nenio restos en lia tendo; Sur lian logxejon sxutigxos sulfuro.

¹⁶Malsupre sekigxos liaj radikoj, Kaj supre detrancxigxos liaj brancxoj.

¹⁷La memoro pri li malaperos de sur la tero, Kaj sur la stratoj li ne havos nomon.

¹⁸Li estos elpelita el lumo en mallumon, Kaj el la mondo li estos elpusxita.

¹⁹Nek filon nek nepon li havos en sia popolo, Kaj neniu restos cxe li en lia logxloko.

²⁰La posteuloj sentos teruron pri lia tago, Kaj la antauxulojn kaptos timo.

²¹Tia estas la logxejo de maljustulo, Kaj tia estas la loko de tiu, kiu ne konas Dion.