Read La Sankta Biblio, sen Ĉapelo esparanto Ijob 22 Bible Online

Ijob 22 - La Sankta Biblio, sen Ĉapelo esparanto bible

Ijob 22

¹Ekparolis Elifaz, la Temanano, kaj diris:

²Cxu Dion povas instrui homo? Cxu povas Lin instrui ecx sagxulo?

³Cxu por la Plejpotenculo tio estas utila, se vi estas virta? Kaj cxu Li havas profiton de tio, se via konduto estas pia?

⁴Cxu pro timo antaux vi Li disputos kun vi, Iros kun vi al jugxo?

⁵Via malvirteco estas ja granda, Kaj viaj malbonagoj ne havas finon.

⁶Vi prenis de viaj fratoj garantiajxon vane, De preskaux-nuduloj vi deprenis la vestojn;

⁷Al laculo vi ne donis akvon por trinki, Kaj al malsatulo vi rifuzis panon;

⁸Per forta brako vi akiris teron, Kaj dank' al eminenteco vi logxis sur gxi;

⁹Vidvinojn vi foririgis kun nenio, Kaj la brakojn de orfoj vi frakasis.

¹⁰Pro tio cxirkauxe de vi estas kaptiloj, Kaj subita teruro vin timigas.

¹¹Aux pro mallumo vi nenion vidas, Kaj multego da akvo vin kovris?

¹²Cxu ne estas Dio tie alte en la cxielo? Rigardu la stelojn, kiel alte ili estas.

¹³Kaj vi diras: Kion scias Dio? Cxu Li povas jugxi en mallumo?

¹⁴La nuboj kovras Lin, kaj Li ne vidas; Kaj Li nur rondiras en la rondo de la cxielo.

¹⁵Cxu vi konservas la vojon antikvan, Kiun iradis homoj malpiaj,

¹⁶Kiuj estis kaptitaj antauxtempe, Kaj kies grundo disversxigxis kiel rivero,

¹⁷Kiuj parolis al Dio: Foriru de ni! Kion povas fari al ni la Plejpotenculo?

¹⁸Kvankam Li plenigis iliajn domojn per bonajxo. Sed la pensmaniero de malvirtuloj estas malproksima de mi.

¹⁹La virtuloj vidos kaj gxojos; La senkulpulo mokos ilin:

²⁰Certe malaperis nia kontrauxulo, Kaj kio restis, tion ekstermis fajro.

²¹Interkonsentu do kun Li, kaj vi havos pacon; Per tio venos al vi bono.

²²Prenu el Lia busxo instruon, Kaj metu Liajn vortojn en vian koron.

²³Se vi revenos al la Plejpotenculo, vi estos konstruita; Forigu malpiajxon el via tendo.

²⁴Jxetu en la polvon la multekostan metalon, Kaj la Ofiran oron sur la sxtonojn de la torentoj;

²⁵Tiam la Plejpotenculo estos via oro kaj via brilanta argxento;

²⁶Cxar tiam vi havos vian plezuron en la Plejpotenculo, Kaj vi levos al Dio vian vizagxon;

²⁷Vi pregxos al Li, kaj Li vin auxskultos; Kaj viajn sanktajn promesojn vi plenumos;

²⁸Se vi ion decidos, gxi plenumigxos cxe vi; Kaj super viaj vojoj brilos lumo.

²⁹Cxar tiujn, kiuj humiligxis, Li altigos; Kaj kiu mallevas la okulojn, tiu estos savita.

³⁰Ankaux tiun, kiu ne estis senkulpa, Li savos; Tia estos savita pro la pureco de viaj manoj.