Read La Sankta Biblio, sen Ĉapelo esparanto Ijob 27 Bible Online

Ijob 27 - La Sankta Biblio, sen Ĉapelo esparanto bible

Ijob 27

¹Kaj Ijob dauxrigis siajn sentencojn, kaj diris:

²Kiel vivas Dio, kiu rifuzis al mi miajn rajtojn, Kaj la Plejpotenculo, kiu afliktas mian animon:

³Tiel longe, kiel mia animo estas en mi Kaj la spiro de Dio en mia nazo,

⁴Miaj lipoj ne eldiros malgxustajxon, Kaj mia lango ne diros malverajxon.

⁵Malproksime estas de mi, Rigardi vin kiel pravajn; Gxis mia morto mi ne cxesos rigardi min kiel senkulpan.

⁶Mian pravecon mi tenas forte, kaj mi ne ellasos gxin; Dum mia tuta vivo mia koro ne faros al mi riprocxon pri tio.

⁷Mia malamiko estu rigardata kiel malvirtulo, Kaj mia kontrauxulo kiel malpiulo.

⁸Cxar kio estas la espero de hipokritulo, Kiam Dio faras al li finon, elsxiras lian animon?

⁹Cxu lian kriadon Dio auxskultos, Kiam trafos lin malfelicxo?

¹⁰Cxu li povas havi gxuon de la Plejpotenculo, Voki al Dio en cxiu tempo?

¹¹Mi instruos vin pri la mano de Dio; Mi ne kasxos antaux vi tion, kio estas cxe la Plejpotenculo.

¹²Jen vi cxiuj mem vidis; Kial do vi parolas senenhavajxon?

¹³Tia estas la sorto de malbona homo cxe Dio, Kaj la parto, kiun tiranoj ricevas de la Plejpotenculo:

¹⁴Se li havos multe da filoj, ili iros sub la glavon; Kaj lia devenantaro ne havos sate panon.

¹⁵Tiujn, kiuj restos cxe li, enterigos la morto; Kaj liaj vidvinoj ne ploros.

¹⁶Se li kolektos argxenton kiel polvon Kaj pretigos al si vestojn kiel argilon,

¹⁷Tiam li pretigos, sed justulo metos sur sin la vestojn, Kaj senkulpulo dividos la argxenton.

¹⁸Li konstruas sian domon kiel tineo, Kaj kiel gardisto, kiu faras al si lauxbon.

¹⁹Li kusxigxas ricxa, kaj nenion kunportas; Li malfermas la okulojn, kaj jam nenio ekzistas.

²⁰Teruro superfalos lin kiel akvo; En la nokto forportos lin ventego.

²¹Levos lin vento orienta, kaj foriros, Kaj forblovos lin de lia loko.

²²Li tion jxetos sur lin senkompate; De Lia mano li kuros kaj kuros.

²³Oni kunfrapos pri li la manojn, Kaj oni fajfos pri li sur lia loko.