Read La Sankta Biblio, sen Ĉapelo esparanto Ijob 28 Bible Online

Ijob 28 - La Sankta Biblio, sen Ĉapelo esparanto bible

Ijob 28

¹La argxento havas lokon, kie oni gxin elakiras; Kaj la oro havas lokon, kie oni gxin fandas.

²La fero estas ricevata el polvo, Kaj el sxtono oni fandas la kupron.

³Oni faras finon al la mallumo, Kaj rezulte oni trovas la sxtonojn el grandega mallumo.

⁴Oni fosas kavon tie, kie oni logxas; Kaj tie, kie pasxas neniu piedo, ili laboras pendante, forgesitaj de homoj.

⁵La tero, el kiu devenas pano, Estas trafosata sube kvazaux per fajro.

⁶Gxiaj sxtonoj estas loko de safiroj, Kaj terbuloj enhavas oron.

⁷La vojon ne konas rabobirdo, Kaj la okulo de falko gxin ne vidis.

⁸Ne pasxis sur gxi sovagxaj bestoj, Ne iris sur gxi leono.

⁹Sur rokon oni metas sian manon, Oni renversas montojn de ilia bazo.

¹⁰En rokoj oni elhakas riverojn, Kaj cxion grandvaloran vidis la okulo de homo.

¹¹Oni haltigas la fluon de riveroj, Kaj kasxitajxon oni eltiras al la lumo.

¹²Sed kie oni trovas la sagxon? Kaj kie estas la loko de prudento?

¹³La homo ne scias gxian prezon; Kaj gxi ne estas trovata sur la tero de vivantoj.

¹⁴La abismo diras: Ne en mi gxi estas; La maro diras: Gxi ne trovigxas cxe mi.

¹⁵Oni ne povas doni por gxi plej bonan oron, Oni ne pesas argxenton page por gxi.

¹⁶Oni ne taksas gxin per oro Ofira, Nek per multekosta onikso kaj safiro.

¹⁷Ne valoregalas al gxi oro kaj vitro; Kaj oni ne povas sxangxi gxin kontraux vazoj el pura oro.

¹⁸Koraloj kaj kristalo ne estas atentataj; Kaj posedo de sagxo estas pli valora ol perloj.

¹⁹Ne valoregalas al gxi topazo el Etiopujo; Pura oro ne povas esti gxia prezo.

²⁰De kie venas la sagxo? Kaj kie estas la loko de prudento?

²¹Kasxita gxi estas antaux la okuloj de cxio vivanta, Nevidebla por la birdoj de la cxielo.

²²La abismo kaj la morto diras: Per niaj oreloj ni auxdis nur famon pri gxi.

²³Dio komprenas gxian vojon, Kaj Li scias gxian lokon;

²⁴Cxar Li rigardas gxis la fino de la tero, Li vidas sub la tuta cxielo.

²⁵Kiam Li donis pezon al la vento Kaj arangxis la akvon lauxmezure,

²⁶Kiam Li starigis legxon por la pluvo Kaj vojon por la fulmo kaj tondro:

²⁷Tiam Li vidis gxin kaj anoncis gxin, Pretigis gxin kaj esploris gxin;

²⁸Kaj Li diris al la homoj: Vidu, timo antaux Dio estas sagxo, Kaj evitado de malbono estas prudento.