Read La Sankta Biblio, sen Ĉapelo esparanto Ijob 31 Bible Online

Ijob 31 - La Sankta Biblio, sen Ĉapelo esparanto bible

Ijob 31

¹Mi faris interligon kun miaj okuloj, Ke mi ne atentu virgulinon.

²Kia estas la parto, kiun donas Dio de supre? Kaj kion destinas la Plejpotenculo el la altaj sferoj?

³Cxu ne malfelicxon al malpiulo, Kaj forpusxon de malbonagantoj?

⁴Cxu Li ne vidas mian konduton, Ne kalkulas cxiujn miajn pasxojn?

⁵Cxu mi iradis en malvero, Kaj miaj piedoj rapidis al trompo?

⁶Li pesu min per justa pesilo, Kaj tiam Dio konvinkigxos pri mia senkulpeco.

⁷Se mia pasxo forklinigxis de la vojo, Se mia koro sekvis miajn okulojn, Kaj se al mia mano algluigxis makulo:

⁸Tiam mi semu kaj alia mangxu, Kaj mia idaro elradikigxu.

⁹Se mia koro forlogigxis al virino, Kaj mi kasxe atendis cxe la pordo de mia amiko:

¹⁰Tiam mia edzino estu adultigata de aliulo, Kaj aliuloj klinigxu super sxi.

¹¹Cxar tio estus malvirto, Tio estus krimo, kiun devas puni jugxistoj.

¹²Tio estas fajro, kiu ekstermas gxis la abismo, Kaj mian tutan akiritajxon gxi elradikigus.

¹³Cxu mi malsxatis la rajton de mia servisto aux de mia servistino, Kiam ili havis jugxan aferon kun mi?

¹⁴Tiam kion mi farus, kiam Dio levigxus? Kaj kion mi respondus al Li, kiam Li esplordemandus?

¹⁵Lin kreis ja Tiu sama, kiu kreis min en la ventro, Kaj Tiu sama pretigis en la ventro ankaux lin.

¹⁶Cxu mi rifuzis la deziron de senhavuloj? Aux cxu mi turmentis la okulojn de vidvino?

¹⁷Cxu mian panpecon mi mangxis sola? Cxu ne mangxis de gxi ankaux orfo?

¹⁸Cxar detempe de mia juneco mi estis kiel patro, Kaj de post la eliro el la ventro de mia patrino mi estis gvidisto.

¹⁹Kiam mi vidis malfelicxulon sen vesto Kaj malricxulon sen kovro,

²⁰Cxu tiam ne benis min liaj lumboj, Cxu li ne estis varmigata per la lano de miaj sxafoj?

²¹Se mi levis mian manon kontraux orfon, Cxar mi vidis en la pordego helpon al mi,

²²En tia okazo mia sxultro defalu de la dorso, Kaj mia brako rompigxu de kano.

²³Cxar mi timas la punon de Dio, Kaj gxian pezon mi ne povus elteni.

²⁴Cxu mi faris la oron mia espero, Kaj la orbulon mi nomis mia fido?

²⁵Cxu mi gxojis, ke mia ricxeco estas granda Kaj ke mia mano multe akiris?

²⁶Kiam mi vidis la lumon brilantan Kaj la lunon majeste irantan,

²⁷Cxu tiam sekrete forlogigxis mia koro Kaj mi sendis kisojn per mia mano?

²⁸Ankaux tio estus krimo jugxinda, Cxar mi forneus per tio Dion en la alto.

²⁹Cxu mi gxojis pri malfelicxo de mia malamiko? Aux cxu mi estis ravita, se lin trafis malbono?

³⁰Mi ne permesis al mia gorgxo peki Per eldiro de malbeno kontraux lia animo.

³¹Cxu la homoj de mia tendo ne diris: Ho, se oni ne satigxus de lia karno!

³²Ne noktis fremdulo sur la strato; Miajn pordojn mi malfermadis al migrantoj.

³³Cxu mi hommaniere kovradis miajn kulpojn, Por kasxi en mia brusto miajn pekojn?

³⁴En tia okazo mi timus grandan homamason, Kaj malestimo de familioj min timigus; Mi silentus, kaj ne elirus ekster la pordon.

³⁵Ho, se iu auxskultus min! Jen estas mia signo; la Plejpotenculo respondu al mi. Se mia akuzanto skribus libron,

³⁶Mi portus gxin sur mia sxultro, Mi metus gxin sur min kiel kronon,

³⁷Mi raportus al li pri la nombro de miaj pasxoj; Mi alproksimigxus al li kiel al princo.

³⁸Se mia lando kriis kontraux mi, Kaj gxiaj sulkoj ploris,

³⁹Se gxiajn fruktojn mi mangxis senpage, Kaj mi afliktis la animon de gxiaj mastroj:

⁴⁰Tiam anstataux tritiko kresku por mi kardo, Kaj anstataux hordeo dornoj. Finigxis la paroloj de Ijob.