Read La Sankta Biblio, sen Ĉapelo esparanto Ijob 35 Bible Online

Ijob 35 - La Sankta Biblio, sen Ĉapelo esparanto bible

Ijob 35

¹Elihu parolis plue, kaj diris:

²Cxu tion vi opinias justa, ke vi diras: Mi estas pli prava ol Dio?

³Cxar vi diras: Kiom tio utilas al vi? Kian profiton mi havas kompare kun tiu okazo, se mi pekus?

⁴Mi respondos al vi, Kaj kune ankaux al viaj amikoj:

⁵Rigardu la cxielon, kaj vidu; Rigardu la nubojn, kiel tro alte ili estas por vi.

⁶Se vi pekas, kiom vi malutilas al Li? Kaj se viaj malbonagoj estas multaj, kion vi faras al Li?

⁷Se vi estas virta, kion vi donas al Li? Aux kion Li prenas el via mano?

⁸Al homo, simila al vi, povas ion fari via malbonago, Kaj via virteco havas signifon nur por homido.

⁹Pro multe da premado oni krias; Oni gxemas pro la brako de potenculoj.

¹⁰Sed oni ne diras: Kie estas Dio, kiu min kreis, Kiu donas kantojn en la nokto,

¹¹Kiu instruas nin pli ol la brutojn sur la tero, Prudentigas nin pli ol la birdojn de la cxielo?

¹²Tie ili krias pri la fiereco de la malbonuloj, Sed Li ne respondas.

¹³Tamen malvere estas, ke Dio ne auxdas Kaj ke la Plejpotenculo ne vidas.

¹⁴Kvankam vi diras, ke vi Lin ne vidas, Ekzistas tamen jugxo cxe Li; Kaj vi atendu Lin.

¹⁵Sed cxar Li nun ne montras Sian koleron Kaj ne atentas la tro grandan malvirtecon,

¹⁶Tial Ijob vante malfermis sian busxon Kaj tre multe parolas malprudente.