Read La Sankta Biblio, sen Ĉapelo esparanto Ijob 36 Bible Online

Ijob 36 - La Sankta Biblio, sen Ĉapelo esparanto bible

Ijob 36

¹Kaj plue parolis Elihu, kaj diris:

²Atendu ankoraux iom; mi montros al vi, Cxar mi havas ankoraux kion paroli pro Dio.

³Mi prenos mian scion de malproksime, Kaj mi montros, ke mia Kreinto estas prava.

⁴Cxar vere miaj vortoj ne estas mensogaj; Homo sincera estas antaux vi.

⁵Vidu, Dio estas potenca, kaj tamen Li neniun malsxatas; Li estas potenca per la forto de la koro.

⁶Al malpiulo Li ne permesas vivi, Kaj al mizeruloj Li donas justecon.

⁷Li ne forturnas de virtuloj Siajn okulojn, Sed kun regxoj sur trono Li sidigas ilin por cxiam, Por ke ili estu altaj.

⁸Kaj se ili estas ligitaj per cxenoj, Malliberigitaj mizere per sxnuroj,

⁹Tiam Li montras al ili iliajn farojn kaj kulpojn, Kiel grandaj ili estas.

¹⁰Li malfermas ilian orelon por la moralinstruo, Kaj diras, ke ili deturnu sin de malbonagoj.

¹¹Se ili obeas kaj servas al Li, Tiam ili finas siajn tagojn en bono Kaj siajn jarojn en stato agrabla;

¹²Sed se ili ne obeas, Tiam ili pereas per glavo Kaj mortas en malprudento.

¹³La hipokrituloj portas en si koleron; Ili ne vokas, kiam Li ilin ligis;

¹⁴Ilia animo mortas en juneco, Kaj ilia vivo pereas inter la malcxastuloj.

¹⁵Li savas la suferanton en lia mizero, Kaj per la sufero Li malfermas ilian orelon.

¹⁶Ankaux vin Li elkondukus el la suferoj En spacon vastan, kie ne ekzistas premateco; Kaj vi havus pacon cxe via tablo, plena de grasajxoj.

¹⁷Sed vi farigxis plena de kulpoj de malvirtulo; Kulpo kaj jugxo tenas sin kune.

¹⁸Via kolero ne forlogu vin al mokado, Kaj grandeco de elacxeto ne deklinu vin.

¹⁹Cxu Li atentos vian ricxecon? Ne, nek oron, nek forton aux potencon.

²⁰Ne strebu al tiu nokto, Kiu forigas popolojn de ilia loko.

²¹Gardu vin, ne klinigxu al malpieco; Cxar tion vi komencis pro la mizero.

²²Vidu, Dio estas alta en Sia forto. Kiu estas tia instruanto, kiel Li?

²³Kiu povas preskribi al Li vojon? Kaj kiu povas diri: Vi agis maljuste?

²⁴Memoru, ke vi honoru Liajn farojn, Pri kiuj kantas la homoj.

²⁵Cxiuj homoj ilin vidas; Homo rigardas ilin de malproksime.

²⁶Vidu, Dio estas granda kaj nekonata; La nombro de Liaj jaroj estas neesplorebla.

²⁷Kiam Li malgrandigas la gutojn de akvo, Ili versxigxas pluve el la nebulo;

²⁸Versxigxas la nuboj Kaj gutas sur multe da homoj.

²⁹Kaj kiam Li intencas etendi la nubojn Kiel tapisxojn de Sia tendo,

³⁰Tiam Li etendas sur ilin Sian lumon Kaj kovras la radikojn de la maro.

³¹Cxar per ili Li jugxas la popolojn Kaj donas ankaux mangxajxon abunde.

³²Per la manoj Li kovras la lumon Kaj ordonas al gxi aperi denove.

³³Antauxdiras pri gxi gxia bruo, Kaj ecx la brutaroj, kiam gxi alproksimigxas.