Read La Sankta Biblio, sen Ĉapelo esparanto Ijob 39 Bible Online

Ijob 39 - La Sankta Biblio, sen Ĉapelo esparanto bible

Ijob 39

¹Cxu vi scias la tempon, en kiu naskas la ibeksoj sur la rokoj? Cxu vi observis la akusxigxon de la cervinoj?

²Cxu vi kalkulis la monatojn de ilia gravedeco? Aux cxu vi scias la tempon, kiam ili devas naski?

³Ili fleksigxas, eljxetas siajn idojn, Liberigxas de siaj doloroj.

⁴Iliaj infanoj fortigxas, kreskas en libereco, Foriras, ke ne revenas al ili.

⁵Kiu donis liberecon al la sovagxa azeno? Kaj kiu malligis gxiajn ligilojn?

⁶La dezerton Mi faris gxia domo, Kaj stepon gxia logxejo;

⁷Gxi ridas pri la bruo de la urbo, La kriojn de pelanto gxi ne auxdas;

⁸La produktajxoj de la montoj estas gxia mangxajxo, Kaj gxi sercxas cxian verdajxon.

⁹Cxu bubalo volos servi al vi? Cxu gxi volos nokti cxe via mangxujo?

¹⁰Cxu vi povas alligi bubalon per sxnuro al bedo? Cxu gxi erpos post vi valojn?

¹¹Cxu vi fidos gxin pro gxia granda forto? Kaj cxu vi komisios al gxi vian laboron?

¹²Cxu vi havos konfidon al gxi, ke gxi reportos viajn semojn Kaj kolektos en vian grenejon?

¹³La flugilo de struto levigxas gaje, Simile al la flugilo de cikonio kaj de akcipitro;

¹⁴Cxar gxi lasas sur la tero siajn ovojn Kaj varmigas ilin en la sablo;

¹⁵Gxi forgesas, ke piedo povas ilin dispremi Kaj sovagxa besto povas ilin disbati.

¹⁶Gxi estas kruela por siaj idoj, kvazaux ili ne estus gxiaj; Gxi ne zorgas pri tio, ke gxia laboro estas vana;

¹⁷Cxar Dio senigis gxin je sagxo Kaj ne donis al gxi prudenton.

¹⁸Kiam gxi levigxas alten, Gxi mokas cxevalon kaj gxian rajdanton.

¹⁹Cxu vi donas forton al la cxevalo? Cxu vi vestas gxian kolon per kolharoj?

²⁰Cxu vi povas saltigi gxin kiel akrido? Terura estas la beleco de gxia ronkado.

²¹Gxi fosas en la valo kaj estas gaja pro forteco; Gxi eliras kontraux armiton;

²²Gxi ridas pri timo kaj ne senkuragxigxas, Kaj ne retiras sin de glavo.

²³Super gxi sonoras la sagujo, Brilas lanco kaj ponardego.

²⁴Kun bruo kaj kolero gxi glutas teron, Kaj ne povas stari trankvile cxe sonado de trumpeto.

²⁵Kiam eksonas la trumpeto, gxi ekkrias: Ho, ho! Kaj de malproksime gxi flarsentas la batalon, Kriadon de la kondukantoj, kaj bruon.

²⁶Cxu pro via sagxo flugas la akcipitro Kaj etendas siajn flugilojn al sudo?

²⁷Cxu pro via ordono levigxas la aglo Kaj faras alte sian neston?

²⁸Sur roko gxi logxas, Noktas sur dento de roko kaj de monta pinto.

²⁹De tie gxi elrigardas por si mangxajxon; Malproksime vidas gxiaj okuloj.

³⁰Gxiaj idoj trinkas sangon; Kaj kie estas mortigitoj, tie gxi estas.