Read La Sankta Biblio, sen Ĉapelo esparanto Ijob 4 Bible Online

Ijob 4 - La Sankta Biblio, sen Ĉapelo esparanto bible

Ijob 4

¹Kaj ekparolis Elifaz, la Temanano, kaj diris:

²Se oni provos diri al vi vorton, tio eble estos por vi turmenta? Sed kiu povas deteni sin de parolado?

³Jen vi multajn instruis, Kaj manojn senfortigxintajn vi refortigis;

⁴Falantojn restarigis viaj vortoj, Kaj fleksigxantajn genuojn vi fortigis;

⁵Kaj nun, kiam tio trafis vin, vi perdis la forton; Gxi ektusxis vin, kaj vi ektimis.

⁶Cxu ne via timo antaux Dio estas via konsolo? Cxu la virteco de viaj vojoj ne estas via espero?

⁷Rememoru do, cxu pereis iu senkulpa? Kaj kie virtuloj estis ekstermitaj?

⁸Kiel mi vidis, tiuj, kiuj plugis pekojn kaj semis malbonagojn, Tiuj ilin rikoltas;

⁹De la ekblovo de Dio ili pereas, Kaj de la ekspiro de Lia kolero ili malaperas.

¹⁰La kriado de leono kaj la vocxo de leopardo silentigxis, Kaj la dentoj de junaj leonoj rompigxis;

¹¹Leono pereis pro manko de mangxajxo, Kaj idoj de leonino diskuris.

¹²Kaj al mi kasxe alvenis vorto, Kaj mia orelo kaptis parteton de gxi.

¹³Dum meditado pri la vizioj de la nokto, Kiam profunda dormo falas sur la homojn,

¹⁴Atakis min teruro kaj tremo, Kaj cxiuj miaj ostoj eksentis timon.

¹⁵Kaj spirito traflugis antaux mi, Kaj la haroj sur mia korpo rigidigxis.

¹⁶Staris bildo antaux miaj okuloj, sed mi ne povis rekoni gxian aspekton; Estis silento, kaj mi ekauxdis vocxon, dirantan:

¹⁷Cxu homo estas pli justa ol Dio? Cxu viro estas pli pura ol lia Kreinto?

¹⁸Vidu, al Siaj servantoj Li ne konfidas, Kaj Siajn angxelojn Li trovas mallauxdindaj:

¹⁹Des pli koncerne tiujn, Kiuj logxas en argilaj dometoj, Fonditaj sur tero, Kaj kiujn formangxas vermoj.

²⁰De la mateno gxis la vespero ili disfalas, Pereas por cxiam, kaj neniu tion atentas.

²¹La fadeno de ilia vivo estas distrancxita; Ili mortas, kaj ne en sagxeco.