Read La Sankta Biblio, sen Ĉapelo esparanto Ijob 40 Bible Online

Ijob 40 - La Sankta Biblio, sen Ĉapelo esparanto bible

Ijob 40

¹Kaj la Eternulo plue parolis al Ijob, kaj diris:

²Cxu povas blasfemanto disputi kun la Plejpotenculo? La mallauxdanto de Dio tion respondu.

³Kaj Ijob respondis al la Eternulo, kaj diris:

⁴Jen mi estis facilanima; kion mi povas respondi al Vi? Mi metas mian manon sur mian busxon.

⁵Unu fojon mi parolis, kaj mi ne respondos; Tion mi ne faros duan fojon.

⁶Kaj la Eternulo respondis al Ijob el la ventego, kaj diris:

⁷Zonu kiel viro viajn lumbojn; Mi vin demandos, kaj vi sciigu al Mi.

⁸Cxu vi volas senvalorigi Mian verdikton, Akuzi Min, por ke vi montrigxu prava?

⁹Se vi havas tian brakon, kiel Dio, Kaj se vi povas tondri per vocxo simile al Li,

¹⁰Tiam ornamu vin per majesto, kaj altigxu, Vestu vin per gloro kaj belegeco;

¹¹Elversxu la furiozon de via kolero; Ekrigardu cxion fieran kaj humiligu gxin;

¹²Ekrigardu cxiun fierulon kaj konfuzu lin; Kaj frakasu la malpiulojn sur ilia loko;

¹³Kasxu ilin cxiujn en la tero; Ilian vizagxon kovru per mallumo.

¹⁴Tiam Mi gloros vin, Se via dekstra mano vin helpos.

¹⁵Vidu la hipopotamon, kiun Mi kreis apud vi; Herbon gxi mangxas, kiel bovo.

¹⁶Vidu, gxia forto estas en gxiaj lumboj, Kaj gxia fortikeco estas en la muskoloj de gxia ventro.

¹⁷Gxi strecxas sian voston kiel cedron, La tendenoj de gxiaj femuroj estas interplektitaj.

¹⁸Gxiaj ostoj estas kiel kupraj tuboj, Gxiaj ostoj estas kiel feraj stangoj.

¹⁹Gxi estas la komenco de la vojoj de Dio; Gxia Kreinto donis al gxi gxian glavon.

²⁰La montoj alportas al gxi mangxajxon, Kaj cxiuj bestoj de la kampo tie ludas.

²¹Sub ombroricxaj arboj gxi kusxas, Sub kovro de kanoj kaj en sxlimo.

²²Ombroricxaj arboj sxirmas gxin per sia ombro, Cxirkauxas gxin salikoj apud torentoj.

²³Se la rivero tumultas, gxi ne konfuzigxas; Gxi staras trankvile, se ecx Jordan enversxigxus en gxian busxon.

²⁴Cxu iu povas preni gxin antaux gxiaj okuloj, Cxu iu povas trabori per sxnuroj gxian nazon?