Read La Sankta Biblio, sen Ĉapelo esparanto Ijob 8 Bible Online

Ijob 8 - La Sankta Biblio, sen Ĉapelo esparanto bible

Ijob 8

¹Kaj ekparolis Bildad, la Sxuhxano, kaj diris:

²Kiel longe vi tiel parolos, Kaj la vortoj de via busxo estos kiel forta vento?

³Cxu Dio falsas la jugxon? Cxu la Plejpotenculo falsas la justecon?

⁴Se viaj filoj pekis kontraux Li, Li forpusxis ilin pro ilia malbonago.

⁵Se vi sercxas Dion Kaj petegas la Plejpotenculon,

⁶Se vi estas pura kaj pia, Li maldormos super vi, Kaj restarigos la bonstaton en via virta logxejo.

⁷Kaj se via komenco estis malgranda, Via estonteco forte kreskos.

⁸Cxar demandu la antauxajn generaciojn, Kaj primeditu tion, kion esploris iliaj patroj;

⁹Cxar ni estas de hieraux, kaj ni nenion scias; Nia vivo sur la tero estas nur ombro.

¹⁰Ili instruos vin, diros al vi, Kaj el sia koro elirigos vortojn.

¹¹Cxu povas kreski kano sen malsekeco? Cxu kreskas junko sen akvo?

¹²En tia okazo gxi velksekigxas pli frue ol cxiu herbo, Kiam gxi estas ankoraux en sia fresxeco, Kiam gxi ankoraux ne estas detrancxita.

¹³Tiaj estas la vojoj de cxiuj, kiuj forgesas Dion; Kaj pereas la espero de hipokritulo,

¹⁴Kies fido dehakigxas, Kaj kies espero estas araneajxo.

¹⁵Li apogas sin al sia domo, sed ne restos staranta; Li ekkaptos gxin, sed ne povos sin teni.

¹⁶Li estis verda antaux la suno, Kaj super lia gxardeno etendigxas liaj brancxoj;

¹⁷Amase plektigxas liaj radikoj, Inter sxtonoj ili tenas sin forte;

¹⁸Sed kiam oni elsxiras lin el lia loko, Gxi malkonfesas lin: Mi vin ne vidis.

¹⁹Tia estas la gxojo de lia vivo; Kaj el la tero kreskas aliaj.

²⁰Vidu, Dio ne forpusxas virtulon Kaj ne subtenas la manon de malpiuloj.

²¹Li plenigos ankoraux vian busxon per rido Kaj viajn lipojn per gxojkrioj.

²²Viaj malamantoj kovrigxos per honto; Sed la tendo de malpiuloj malaperos.