Read La Sankta Biblio, sen Ĉapelo esparanto Psalmo 103 Bible Online

Psalmo 103 - La Sankta Biblio, sen Ĉapelo esparanto bible

Psalmo 103

¹De David. Benu, ho mia animo, la Eternulon, Kaj mia tuta internajxo Lian sanktan nomon.

²Benu, ho mia animo, la Eternulon, Kaj ne forgesu cxiujn Liajn bonfarojn.

³Li pardonas cxiujn viajn pekojn, Li sanigas cxiujn viajn malsanojn;

⁴Li savas de la tombo vian vivon, Li kronas vin per boneco kaj favorkoreco;

⁵Li satigas per bonajxoj vian maljunan agxon, Ke via juneco renovigxas kiel cxe aglo.

⁶La Eternulo faras justecon kaj jugxon al cxiuj prematoj.

⁷Li sciigis Siajn vojojn al Moseo, Siajn farojn al la Izraelidoj.

⁸Favorkora kaj kompatema estas la Eternulo, Longetolerema kaj tre bona.

⁹Ne eterne Li indignas, Kaj ne por cxiam Li koleras.

¹⁰Ne laux niaj pekoj Li agis kun ni, Kaj ne laux niaj krimoj Li redonis al ni.

¹¹Cxar kiel alte estas la cxielo super la tero, Tiel granda estas Lia boneco por tiuj, kiuj Lin timas.

¹²Kiel malproksime estas la oriento de la okcidento, Tiel Li malproksimigis de ni niajn pekojn.

¹³Kiel patro korfavoras filojn, Tiel la Eternulo korfavoras tiujn, kiuj Lin timas.

¹⁴Cxar Li scias nian esencon; Li memoras, ke ni estas polvo.

¹⁵La tagoj de homo estas kiel herbo; Kiel floro de kampo, tiel li floras.

¹⁶Pasas super gxi vento, kaj gxi jam ne ekzistas; Kaj gxia loko gxin jam ne rekonas.

¹⁷Sed la boneco de la Eternulo dauxras eterne al tiuj, kiuj Lin timas, Kaj Lia bonfaremeco iras gxis la pranepoj,

¹⁸Kiuj observas Lian interligon Kaj memoras Liajn ordonojn por ilin plenumi.

¹⁹La Eternulo starigis en la cxielo Sian tronon; Kaj Lia regxeco regas cxion.

²⁰Benu la Eternulon Liaj angxeloj, potencaj per sia forto, Kiuj plenumas Lian vorton, Por ke oni obeu la vocxon de Lia vorto.

²¹Benu la Eternulon cxiuj Liaj cxirkauxantoj, Liaj servantoj, kiuj plenumas Lian volon.

²²Benu la Eternulon cxiuj Liaj kreitajxoj, En cxiuj lokoj de Lia regado. Benu, ho mia animo, la Eternulon.