Read La Sankta Biblio, sen Ĉapelo esparanto Psalmo 2 Bible Online

Psalmo 2 - La Sankta Biblio, sen Ĉapelo esparanto bible

Psalmo 2

¹Kial tumultas popoloj, Kaj gentoj pripensas vanajxon?

²Levigxas regxoj de la tero, Kaj eminentuloj konsiligxas kune, Kontraux la Eternulo kaj kontraux Lia sanktoleito, dirante:

³Ni dissxiru iliajn ligilojn, Kaj ni dejxetu de ni iliajn sxnurojn!

⁴La logxanta en la cxielo ridas, La Sinjoro mokas ilin.

⁵Tiam Li parolos al ili en Sia kolero, Kaj per Sia furiozo Li ilin ektimigos, dirante:

⁶Mi starigis ja Mian regxon Super Cion, Mia sankta monto.

⁷Mi raportos pri la decido: La Eternulo diris al mi: Vi estas Mia filo, Hodiaux Mi vin naskis.

⁸Petu Min, kaj Mi donos al vi popolojn por heredo, Kaj por posedo limojn de tero.

⁹Vi disbatos ilin per fera sceptro, Kiel potan vazon vi ilin dispecigos.

¹⁰Kaj nun, ho regxoj, prudentigxu; Instruigxu, jugxistoj de la tero!

¹¹Servu al la Eternulo kun timo, Kaj gxoju kun tremo.

¹²Kisu la filon, ke Li ne koleru, kaj vi ne pereu sur la vojo, Cxar baldaux ekbrulos Lia kolero. Felicxaj estas cxiuj, kiuj fidas Lin.