Read La Sankta Biblio, sen Ĉapelo esparanto Psalmo 31 Bible Online

Psalmo 31 - La Sankta Biblio, sen Ĉapelo esparanto bible

Psalmo 31

¹Al la hxorestro. Psalmo de David. Vin, ho Eternulo, mi fidas, ke mi neniam estu hontigita; Per Via justeco savu min.

²Klinu al mi Vian orelon, rapide savu min! Estu por mi forta roko, fortika kastelo, por helpi min.

³Cxar Vi estas mia roko kaj mia kastelo; Kaj pro Via nomo gvidu min kaj konduku min.

⁴Eligu min el la reto, kiun ili metis kontraux mi; Cxar Vi estas mia fortikajxo.

⁵En Vian manon mi transdonas mian spiriton; Vi savas min, ho Eternulo, Dio de la vero.

⁶Mi malamas la adorantojn de vantaj idoloj, Sed mi fidas la Eternulon.

⁷Mi gajas kaj gxojas pro Via favoro; Cxar Vi vidis min mizeron, Vi eksciis la suferojn de mia animo,

⁸Kaj Vi ne transdonis min en la manon de malamiko, Vi starigis miajn piedojn sur vasta loko.

⁹Korfavoru min, ho Eternulo, cxar mi suferas; Malfortigxis de malgxojo mia okulo, mia animo, kaj mia korpo.

¹⁰Cxar mia vivo konsumigxis de malgxojo kaj miaj jaroj de gxemado; Mia forto malaperis per mia kulpo, kaj miaj ostoj malfortigxis.

¹¹Per cxiuj miaj malamikoj mi farigxis granda hontindajxo por miaj najbaroj Kaj terurajxo por miaj konatoj; Kiuj vidas min sur la strato, tiuj forkuras de mi.

¹²Oni forgesis pri mi en la koro, kiel pri mortinto; Mi farigxis kiel rompita vazo.

¹³Cxar mi auxdas la insultojn de multaj; Cxirkauxe estas minacoj; Ili kune konspiras kontraux mi, Ili intencas pereigi mian vivon.

¹⁴Sed mi-mi fidas Vin, ho Eternulo; Mi diras: Vi estas mia Dio.

¹⁵En Via mano estas mia sorto; Savu min de la mano de miaj malamikoj kaj persekutantoj.

¹⁶Lumu per Via vizagxo al Via sklavo, Helpu min per Via boneco.

¹⁷Ho Eternulo, ne hontigu min, cxar mi vokis al Vi; Hontigitaj estu la malpiuloj, ili silentigxu por Sxeol.

¹⁸Mutigxu la mensogaj busxoj, Kiuj parolas arogante kontraux piulo, Kun fiero kaj malestimo.

¹⁹Kiel granda estas Via boneco, kiun Vi konservis por tiuj, kiuj Vin timas, Kaj kiun Vi faris antaux la homoj por tiuj, kiuj Vin fidas!

²⁰Vi kovras ilin per la kovro de Via vizagxo kontraux homaj atencoj, Vi kasxas ilin en tendo kontraux malamikaj langoj.

²¹Glorata estu la Eternulo, Kiu aperigis al mi mirindan favoron en fortikigita urbo.

²²Kaj mi diris en mia konfuzigxo: Mi estas forpusxita for de Viaj okuloj; Tamen Vi auxskultis la vocxon de mia pregxo, kiam mi vokis al Vi.

²³Amu la Eternulon, cxiuj Liaj piuloj; La fidelulojn la Eternulo gardas, Kaj Li repagas suficxege al tiuj, kiuj agas malhumile.

²⁴Estu kuragxaj, kaj forta estu via koro, Vi cxiuj, kiuj esperas al la Eternulo!